Кацярына Сныціна: «Пачалі здымаць фільм пра маю кар'еру. Гэта будзе і на экране, і на сцэне. Я буду зоркай»
Экс-капітан зборнай Беларусі Кацярына Сныціна расказала аб планах па завяршэнні кар'еры.
– Чым вы плануеце займацца далей, у якой сферы?
– Цяпер я пакуль што не магу афіцыйна гэта абмяркоўваць, але я буду зоркай!
Мы пачалі здымаць фільм пра маю кар'еру. Гэта будзе і на экране, і на сцэне.
Пакуль магу сказаць, што мы апошнія шэсць месяцаў здымаем фільм пра мяне, пра маю кар'еру, пра Беларусь, пра тое, як я стала сама сабой.
І ў бліжэйшыя, напэўна, шэсць месяцаў я буду яшчэ даздымаць гэты фільм і яго прамoутаваць.
Я не лічу, што ў мяне шмат магчымасьцяў змагацца з рэжымам [у Беларусі], але для сябе я выбрала адзін з такіх варыянтаў – працягваць расказваць пра тое, што адбываецца ў маёй краіне, усяму свету.
– Як вы сябе адчуваеце ў новай ролі?
– Мне пашанцавала, таму што і на пляцоўцы, і ў жыцці я, сапраўды, хутка магу знайсці агульную мову з кім заўгодна, разняволіцца і паказаць сябе.
У 2020 годзе, калі надышоў момант выступіць, паказаць, на чыім ты баку, вядома, першыя відэа, якія мы запісвалі са Свабодным аб'яднаннем спартсменаў (SOS BY), для мяне былі стрэсам.
Я ніколі такога не рабіла, але памятаю, у той час Андрэй Гнёт дапамагаў. Ён раіў заўсёды казаць тое, што сапраўды адчуваеш і думаеш.
Тады табе не трэба запамінаць сваю хлусню, ты заўсёды павінна быць сумленная і адкрытая з людзьмі, дык яны табе будуць верыць, табе не трэба будзе прыдумляць нічога іншага. Мне яго парады вельмі дапамаглі, да гэтага часу імі карыстаюся.
Мне цікавы першапачаткова фільм – гэта мая ідэя. Я паглядзела на Netflix пра Дэвіда Бэкхэма. Мне вельмі спадабалася. Неяк я сказала пра гэта Надзе, маёй жонцы, як класна было б зняць такі ж фільм.
А што калі спытаць у Мікалая Халезіна, ці жадаюць яны гэтым займацца? Так усё склалася. На працягу сезона, калі пасля гульняў ці пасля трэніровак я была стомленая, мне трэба было ці здымацца дома, ці ехаць на здымку кудысьці, я сабе нагадвала, што я сама сабе прыдумала гэты праект.
Калі я выбіраю нечым займацца, то стараюся, каб я ад гэтага кайфавала, – сказала Сныціна.
