Кангрэсмен ЗША Сміт: «Гульцы НБА не могуць заяўляць, што яны за сацыяльную справядлівасць, атрымліваючы грошы ад кампаній, звязаных з прымусовай працай у Кітаі»

Амерыканскі кангрэсмен і сустаршыня Выканаўчай камісіі Кангрэса па пытаннях Кітая Крыстафер Сміт заявіў, што плануе звярнуцца ў Міністэрства ўнутранай бяспекі ЗША з просьбай праверыць імпарт прадукцыі кампаніі Li-Ning пасля таго, як баскетбаліст «Голдэн Стэйт» Стэфэн Карры падпісаў з ёй спонсарскае пагадненне.

«Стэфэн Кары – адзін з самых таленавітых і папулярных баскетбалістаў свету, менавіта таму гэта мае значэнне.

НБА, яе гульцы і платформы, такія як Amazon, не могуць заяўляць, што падтрымліваюць сацыяльную справядлівасць у сябе дома, адначасова атрымліваючы грошы ад кампаній, звязаных з эканомікай прымусовай працы Камуністычнай партыі Кітая», – заявіў Сміт, прадстаўнік Рэспубліканскай партыі ад штата Нью-Джэрсі ў Кангрэсе.

У панядзелак, 1 чэрвеня, 38-гадовы амерыканскі баскетбаліст падпісаў 10-гадовы кантракт з кампаніяй Li-Ning, паводле інфармацыі ESPN, ён атрымае 400 мільёнаў долараў.

У межах партнёрства з Li-Ning будзе задзейнічаны Curry Brand для глабальнага развіцця, які ахопіць баскетбольную прадукцыю, паўсядзённае спартыўнае адзенне, лінейку для гольфа і магчымасць падпісваць спартсменаў пад уласным брэндам Кары.

Як паведамляе ESPN, Li-Ning і некалькі іншых кітайскіх кампаній былі вызначаны ўрадам ЗША і праваабарончымі арганізацыямі як тыя, што выкарыстоўваюць прымусовую працу для вытворчасці сваёй прадукцыі.

У сакавіку 2022 года Мытна-пагранічная служба ЗША (CBP) увяла абмежаванні на ўвоз прадукцыі гэтага кітайскага спартыўнага брэнда.