– Галоўная мэта нашага збору – зразумець, што мы з сябе ўяўляем, стварыць канкурэнтнае асяроддзе для хлопцаў, якія гуляюць у беларускім чэмпіянаце і тых, хто падцягваецца ў каманду з моладзевых праектаў. Хочам даць усім ім магчымасць пагуляць супраць гульцоў, якія выступаюць у больш моцных чэмпіянатах.

Першапачаткова мы планавалі правесці дзве таварыскія гульні ў Іране, але, на жаль, сітуацыя памянялася. Зараз актыўна шукаем альтэрнатыўныя варыянты, альбо завяршыць збор спарынгавым матчам. Можа, гэта будзе гульня нацыянальнай каманды супраць зборнай U23. Нешта дакладна будзе.

Каманда не збіралася два гады. Мы павінны разумець, што гэтая каманда існуе. У момант, калі нас вернуць і трэба будзе гуляць, мы павінны сабрацца не з чыстага ліста, а з нейкім выразным разуменнем пра патэнцыял гульцоў, іх магчымасцяў. Мы павінны дакладна ведаць, хто ў нас лідар каманды.

Хачу адзначыць, што ні адзін з выкліканых гульцоў не шукаў якой-небудзь нагода не прыехаць на збор. Усе без выключэння адказалі. У нас 13 чалавек на дадзены момант гуляюць за межамі беларускага чэмпіянату. На мой погляд, вельмі нядрэнны праект у краіне існуе моладзевай каманды БК «Мінск». Якасны год яны правялі. Хлопцы не штучна, а цалкам абʼектыўна звярнулі на сябе ўвагу і заслужылі выклік у нацыянальную зборную.

На мой погляд усё арганічна, гарманічна. Пераемнасць пакаленняў у зборнай ёсць. Мы амалоджваемся, працуем на перспектыву, паколькі да 2027 года нас афіцыйныя гульні не чакаюць, – сказаў Вяргун.

Аўтар: Юрый Дыбоўскі

Крыніца: sport5.by

Расціслаў Вяргун

зборная Беларусі па баскетболе

Баскетбол