Максім Салаш: «Варыянт з адмовай прыехаць у зборную Беларусі не разглядаў»
Беларускі форвард «Марусі» (Грэцыя, Д1) Максім Салаш расказаў пра летні кэмп зборнай Беларусі.
– Калі скончыўся сезон для «Бурка», паехалі з сям’ёй адпачыць. Ужо трэці год запар выбіраемся з жонкай і дачкой у Іспанію.
Гэты невялікі двухтыднёвы перапынак быў неабходны, таму што сезон аказаўся знясільваючым, гульняў было шмат. Ну а потым ужо вярнуліся ў Мінск, там далучыўся да зборнай.
Шкада, не было нават таварыскіх матчаў, толькі трэніроўкі. Спачатку існавала дамоўленасць з Іранам, але потым усё адмянілася.
У выніку працягваў займацца індывідуальна, чакаючы, калі наступіць яснасць, дзе працягну кар’еру.
– Улічваючы, што міжнародных матчаў няма, а ў гэты раз адмяніліся нават спарынгі, не было жадання ўвільнуць ад выкліку і адказаць адмовай на запрашэнне Расціслава Вергуна?
– Не, такі варыянт нават не разглядаў. Мне самому хацелася ўжо патрэніравацца, ды і правесці час з хлопцамі, многіх з якіх даўно не бачыў.
Бо на працягу сезона такая магчымасць не даецца. Хаця з некаторымі ўвесь час падтрымліваю сувязь – перш за ўсё гэта Жэня Белянкоў і Улад Блізнюк. Так што на выклік у зборную заўсёды адгукаюся з задавальненнем, – сказаў Салаш.
