Леброн стаў лідарам па колькасці траплянняў з гульні ў гісторыі НБА
«Лэйкерз» у ноч на 6 сакавіка прайгралі «Дэнверу» (113:120) у рэгулярным чэмпіянаце НБА.
Лідар «азёрнікаў» Леброн Джэймс набраў у гэтай гульні 16 ачкоў і 8 перадач. Ён рэалізаваў 7 з 11 кідкоў з гульні, давёўшы колькасць дакладных кідкоў з гульні ў кар’еры ў НБА да 15 842.
Па гэтым паказчыку Джэймс абышоў Карыма Абдул-Джабара (15 837) і стаў лідарам у гісторыі НБА. Трэцім ідзе Карл Мэлоўн з 13 528 трапляннямі з гульні.
Для дасягнення гэтага паказчыка Джэймсу спатрэбілася 31 274 спробы, Абдул-Джабару – 28 307. Адсотак дакладных кідкоў Карыма з гульні складае 55,9% за кар’еру, у той час як у Леброна – 51,6%.
👇🏻 Ніжэй – спіс тэгаў. Падпісвайцеся на тыя, што вам цікавыя (таксама вы можаце абраць любыя каманды, спартсменаў і турніры праз пошук) – і фармуйце «Маю стужку»! Ваша асабістае медыя пра спорт.
