«Нью-Ёрк» атрымаў забарону на арганізацыю фан-зон для заўзятараў каля «Мэдысан-сквер-гардэн» для прагляду 4-га матча фіналу Усходняй канферэнцыі супраць «Кліўленда», паведамляе New York Post.

Такое рашэнне было прынята паліцыяй з-за паводзінаў заўзятараў.

«Падчас першага і другога матчаў у фан-зонах каля «Мэдысан-сквер-гардэн» узнікала ўсё больш праблемных сітуацый – толькі мінулай ноччу было здзейснена шэсць арыштаў, таму паліцыя не падтрымае правядзенне фан-зон за межамі стадыёна.

Аднак мы працягнем разглядаць запыты на правядзенне падобных мерапрыемстваў на альтэрнатыўных лакацыях, напрыклад, на Summer Stage», – заявіў спікер паліцэйскага дэпартамента.

Адзначаецца, што ў фан-зонах каля «Мэдысан-сквер-гардэн» адбываліся бойкі, а натоўп блакаваў пешаходныя зоны. Вакол фан-зон збіралася да 6 000 чалавек, многія з якіх пераскоквалі праз паліцэйскія бар’еры, ужывалі алкаголь на вуліцах і перакрывалі дарожны рух.

«Нью-Ёрк» вядзе 3:0 у серыі супраць «Кліўленда». Наступны матч пройдзе ў ноч на 26 мая ў Кліўлендзе.

Чытайце таксама

Аўтар: Віктар Нікольскі

Крыніца: New York Post