Драматычны матч супраць Црвена Звезды і пераможны кідок за 1.3 секунды да канца

«Црвена Звезда» прыязджае чарговы раз у Каўнас, і чарговы раз гэта не звычайны матч. У красавіку 2022 года сербы з катэгорыі «проста супернікі» перайшлі ў статус ледзь не дэрбі – тады яны адмовіліся ўзяць у рукі банер Stop War, з якім «Жальгірыс» з 24 лютага 2022 пачынаў матчы.

Таму зараз абедзве сербскія каманды ў Каўнасе – гэта дэрбі. Гэта вельмі гучна, гэта прынцыпова і вельмі ўкраінска. У тым сэнсе, што фанаты актыўна спяваюць «пуцін хуйло», на арэне шмат украінскіх сцягаў і нават дзяўчаты з групы падтрымкі танчаць з украінскімі сцягамі – ва ўсіх астатніх матчах гэтага не так шмат, як у супрацьстаянні з сербамі.

«Жальгірыс» выдаў фантастычны пачатак сезона і пасля чацвёртай перамогі запар зраўняўся з «Барселонай», дзелячы першае месца ў Еўралізе. Такі старт літоўскі клуб ужо меў у 2020 годзе – пяць перамог у шасці турах.

Матч з «Црвена Звезда» стаў сапраўднай драмаю. Пасля ўпэўненай перавагі ў першай палове (47:33) каўнаскі клуб дазволіў сербам вярнуцца ў гульню. У трэцяй і чацвёртай чвэрцях гаспадары ледзь не ўпусцілі перамогу – Кодзі Мілер-Макінтайр і Ураш Плаўшыч цягнулі «Црвену Звезду» да камбэку, а апошні трапны кідок сербаў у апошнюю секунду зраўняў лік – 84:84.

Аднак вырашальнае слова засталося за «Жальгірысам». За 1,3 секунды да фінальнай сірэны Браянт Данстан забіў пераможны кідок і прынёс літоўцам перамогу.

Найлепшымі ў складзе пераможцаў сталі Давідас Сірвідыс (17 ачкоў), Сільвен Франсіска (15 ачкоў, 7 перадач) і Брэйдзі Манекас. У «Црвены Звезды» вылучыўся цэнтравы Ураш Плаўшыч (16 ачкоў, 9 падбораў).

«Жальгірыс» працягвае сенсацыйна ўпэўнены шлях у Еўралізе, а гэты трыумф увайшоў у гісторыю як адзін з самых драматычных у іх апошніх сезонаў.