Аўстрыйскі бабслеіст Мандльбаўэр шпіталізаваны пасля перакульвання боба ў спаборніцтвах чацвёркі на АГ-2026
Аўстрыйскі бабслеіст Якаб Мандльбаўэр быў шпіталізаваны для правядзення абследавання пасля таго, як падчас другога заезду спаборніцтваў чацвёркі на Алімпіядзе-2026 боб аўстрыйскай каманды перавярнуўся на трэку.
У суботу, 21 лютага, падчас заезду боб, які пілатавалі чацвёра спартсменаў – Якаб Мандльбаўэр, Даехан Нікалс-Бардзі, Себасцьян Мітэрэр і Даніэль Берхлер – перавярнуўся ў дзявятым павароце. Пасля гэтага ён некіравальна працягнуў рух па трасе, перш чым спыніўся ў адным з паваротаў, так і не дабраўшыся да фінішу.
Трое спартсменаў змаглі самастойна выбрацца, аднак адзін з пілотаў – 27-гадовы Мандльбаўэр – застаўся ўнутры. Ён быў у прытомнасці, мог рухаць рукамі, целам і галавой, але скардзіўся на боль у шыі.
Пасля інцыдэнту спартсмену амаль 20 хвілін аказвалі дапамогу на лёдзе, перш чым яго вынеслі за межы трэка на насілках.
Як паведаміла Аўстрыйскі алімпійскі камітэт, Мандльбаўэр прайшоў комплекснае першаснае абследаванне ў бальніцы Карціны-д’Ампеца, а затым быў пераведзены ў бальніцу ў Трэвіза для далейшага назірання з-за праблемы з міжпазваночным дыскам шыйнага аддзела.
«Перавод ажыццёўлены выключна з мэтай дадатковага медыцынскага назірання, каб выключыць любую рызыку», – растлумачыў урач аўстрыйскай каманды Бернхард Унтэркофлер.
