16-гадовая беларуская шахматыстка Абухава ўвайшла ў лік 10 удзельніц чэмпіянату Польшчы
16-гадовая беларуская шахматыстка Анастасія Абухава стала ўдзельніцай чэмпіянату Польшчы, які прайшоў у канцы сакавіка ў Варшаве.
Да турніру былі дапушчаны 10 спартсменак. Абухава атрымала права на ўдзел, выйграўшы першынство краіны U-20 восенню 2025 года.
У сёлетнім турніры Абухава пацярпела дзевяць паражэнняў пры адной нічыёй і ў выніку стала апошняй.
«Я хацела выціскаць сто працэнтаў з кожнай партыі, але я гуляю тут дзеля досведу. Я ўдзячная за тое, што магу тут гуляць, але гэта, напэўна, адбылося крыху занадта хутка, таму што ў мяне яшчэ няма такога ўзроўню, каб паказаць сябе належным чынам», – пракаментавала шахматыстка свой выступ.
Абухава пераехала ў польскі Беласток з Гродна з бацькамі ў 2022 годзе. Спартсменка дзякуючы наяўнасці каранёў аформіла ўсе неабходныя дакументы і атрымала права прадстаўляць Польшчу на міжнародных спаборніцтвах.
