Кірэеў, Мельнічэнка, Шыкаўка і яшчэ 21 футбаліст выкліканы ў зборную Беларусі на матчы з Расіяй і Казахстанам

Стаў вядомы канчатковы спіс гульцоў зборнай Беларусі на чэрвеньскія таварыскія матчы супраць зборных Казахстана і Расіі.

Варатары: Павел Паўлючэнка («МЛ» Віцебск), Сяргей Ігнатовіч («Жэніс», Астана, Казахстан), Фёдар Лапавухаў (ЦСКА, Сафія, Балгарыя).

Абаронцы: Аляксандр Мартыновіч («Кайрат», Алматы, Казахстан), Сяргей Паліцевіч («Тарпеда-БелАЗ»), Кірыл Пячэнін («Крылы Саветаў», Самара, Расія), Сяргей Карповіч («Наўбахор», Наманган, Узбекістан), Павел Забелін («Сокал», Саратаў, Расія, Д2), Вадзім Пігас, Павел Апяцёнак (абодва – «Дынама» Мінск), Ягор Пархоменка («Нёман»), Дзмітрый Прышчэпа («Ротар», Валгаград, Расія, Д2).

Паўабаронцы: Макс Эбонг («Астана», Казахстан), Яўген Яблонскі («Астэрас», Трыпалі, Грэцыя), Мікіта Корзун («Елімай», Семей, Казахстан), Валерый Грамыка («Кайрат», Алматы, Казахстан), Валерый Бачароў («Уфа», Расія, Д2), Павел Сядзько («Тарпеда-БелАЗ»), Максім Кірэеў («Льерс», Лір, Бельгія, Д2), Руслан Лісаковіч («МЛ» Віцебск).

Нападаючыя: Віталь Лісаковіч («Балтыка», Калінінград, Расія, Д2), Яўген Шыкаўка (без клуба), Трафім Мельнічэнка («Порту Б», Партугалія, Д2), Алег Нікіфарэнка («МЛ» Віцебск).

Зборная Беларусі ў рамках чэрвеньскага збору правядзе дзве таварыскія гульні ў Мінску: 5 чэрвеня згуляюць на стадыёне «Дынама» са зборнай Казахстана, а 10 чэрвеня на новым Нацыянальным стадыёне – супраць Расіі.

Абедзве сустрэчы пачнуцца ў 20:00.