Казлоў пра выклік у зборную ў 36 гадоў: «Адчуваю змешаныя пачуцці»
36-гадовы гулец «Нёмана» Міхаіл Казлоў распавёў пра выклік у зборную Беларусі на чэрвеньскія таварыскія матчы.
Беларусь правядзе два таварыскія матчы з камандамі Сірыі (5 чэрвеня) і Буркіна-Фасо (9 чэрвеня). Абедзве гульні пройдуць у Менску на «нацыянальным» стадыёне.
«Адчуваю змешаныя пачуцці, таму што выклік атрымаўся нечаканым. У папярэднія гады, калі выдатна выступаў, запрашэнні не атрымліваў. І з цягам часу змірыўся, што за зборную згуляць так і не атрымаецца. Але за тыдзень да збору Віктар Міхайлавіч патэлефанаваў, сказаў, што хоча бачыць мяне ў камандзе, спытаў пра мае жаданне. Адказаў, што з прыемнасцю прыеду. Буду працаваць, старацца даказаць, што трэнер паверыў у мяне не дарма. Сваім нечаканым рашэннем Ганчарэнка мяне моцна ўзрадаваў», – падзяліўся Казлоў.
