Шаркоўскі пра працяг кар'еры: «Не хацелася б вяртацца у ЧБ – цяжка потым з'ехаць гуляць у Еўропу»
Вінгер «Зімбру» Цімафей Шаркоўскі адрэагаваў на сыход Алега Кубарава з пасады галоўнага трэнера «зуброў», а таксама пракаментаваў сваю будучыню ў клубе.
– Як успрыняў адстаўку Кубарава?
– Было нечакана. Да апошняга думаў, што ён працягне кіраваць клубам.
– Сыход трэнера-беларуса не паўплывае на тваё рашэнне, ці заставацца ў «Зімбру»? Бліжэйшую будучыню звязваеш з клубам з Кішынёва?
– Як мінімум бліжэйшы месяц яшчэ звязваю з «Зімбру», бо ў мяне кантракт да канца чэрвеня. А там пагутарым з кіраўніцтвам, з новым галоўным трэнерам, і буду прымаць рашэнне.
– БАТЭ трэба ўзмацненне перад еўракубкамі. Калі звернуцца да цябе як да барысаўчаніна, што ты адкажаш?
– Шчыра, не хацелася б вяртацца ў чэмпіянат Беларусі.
– Чэмпіянат Малдовы расцэньваеш як трамплін? Побач, напрыклад, Румынія.
– Менавіта. З Беларусі цяжка потым з’ехаць гуляць у Еўропу, – сказаў Шаркоўскі.
