Ліянель Скалоні: «Не прымаю ніводнага рашэння, не параіўшыся з Месі»
Галоўны трэнер зборнай Аргенціны Ліянель Скалоні распавёў, што значыць узначальваць зборную такога ўзроўню на чэмпіянаце свету.
«Нікому не падабаецца, калі яго замяняюць, Месі таксама. Я не прымаю ніводнага рашэння, не параіўшыся з Месі.
Няма сэнсу казаць, што менавіта я тут галоўны. Мы заўсёды абмяркоўваем з Месі ўсе рашэнні, якія прымаем. Я пытаюся ў яго, што ён пра гэта думае, як сябе адчувае, і мы імкнемся прыйсці да згоды.
Я лічу, што так і павінна быць, бо нават калі ён на полі і сутыкаецца з цяжкасцямі, ён дае нам вельмі шмат. Лепш мець яго на полі – ён здольны ствараць і генерыраваць моманты», – сказаў Скалоні.
Зборная Аргенціны – дзеючыя чэмпіёны свету.