«Брага», «Аякс», «Катавіцы» Шкурына – у ліку магчымых супернікаў БАТЭ ў другім раўндзе адбору Лігі канферэнцый

Вызначаны спіс магчымых супернікаў БАТЭ у другім кваліфікацыйным раўндзе Лігі канферэнцый – у выпадку, калі барысаўскі клуб пройдзе першую стадыю.

Гэта «Брага» (Партугалія), «Аякс» (Нідэрланды), «Капенгаген» (Данія), «Гент» (Бельгія), «Рапід» (Аўстрыя), «Панацінаікос» (Грэцыя), «Лудагорац» (Балгарыя), «Сцяўа» (Румынія), «Ракаў» (Польшча), «Партызан» (Сербія), «Лугана» (Швейцарыя), «АЕК Ларнака» (Кіпр), «Істанбул Башакшэхір» (Турцыя), «Рыека» (Харватыя), «Клуж» (Румынія), ХІК (Фінляндыя), «Зрыньскі» (Боснія і Герцагавіна), «Бран» (Нарвегія), «Ноа» (Арменія), «Спартак» Трнава (Славакія), «Градзец» (Чэхія), «Аустрыя» (Аўстрыя), «Вадуц» (Ліхтэнштэйн), «Наршэлан» (Данія), «Апалон» (Кіпр), «Хіберніян» (Шатландыя), «ХБ Торсхавн» (Фарэрскія астравы), «Сьён» (Швейцарыя) і яшчэ два клубы з беларускімі гульцамі: «Катавіцы» (Польшча) Іллі Шкурына і «Табол» (Казахстан) Максіма Мякіша пад кіраўніцтвам былога гульца зборнай Беларусі Міраслава Рамашчанкі.

Таксама сярод патэнцыйных супернікаў – пераможцы пар першага раўнда, у якіх будуць удзельнічаць «Астана» (Казахстан), «Рыга» (Латвія), «Шкендыя» (Паўночная Македонія), «Балкані» (Косава), «Пюнік» (Арменія), «Лінфілд» (Паўночная Ірландыя), «Хамрун» (Мальта), «Мілсамі» (Малдова), «Левадыя» (Эстонія), «Пайдэ» (Эстонія), «Дыферданж» (Люксембург), «Жальгірыс» (Літва) з беларускім паўабаронцам Юрыем Кендышам, а таксама супернік мінскага «Дынама».

Лёсаванне першага адборачнага раўнда адбудзецца 16 чэрвеня, другога – 17 чэрвеня. Матчы запланаваныя адпаведна на 9 і 16 ліпеня і на 23 і 30 ліпеня.