Шумак пра магчымае зняцце міжнароднага бана: «Не буду казаць, што зборная Беларусі ўляціць і ўсіх адразу абыграе»
Лінійны зборнай Беларусі Вячаслаў Шумак падзяліўся чаканнямі ад магчымага допуску каманды да міжнародных спаборніцтваў.
– Моладзь і юніёраў вось паэтапна дапускаць будуць. Наколькі гэта вялікі поспех у пытанні з допускам каманды? Што гавораць?
– Наколькі я ведаю: у IHF будзе сход пасля фіналу Лігі Чэмпіёнаў, на якім будуць абмяркоўвацца пытанні канчатковага допуску зборнай і, напэўна, нават клубаў. Для нашай краіны проста неабходна, каб зборная выступала на міжнароднай арэне. У апошнія гады перад адхіленнем мы заўсёды пападалі на чэмпіянаты міру і Еўропы, а нас проста адсеялі... У нас вельмі моцная каманда, шмат, на той момант, маладых хлопцаў ужо пераехалі ў Еўропу. Проста ўявіць тое, што да папярэдняга складу дадаць хлопцаў, якія набралі выдатную гульнявую форму... Яны – аснова зборнай.
– Уявім, што мы вярнуліся на міжнародную арэну. Ці можна меркаваць на якім мы ўзроўні знаходзімся цяпер?
– Ніхто гэтага не ведае, доўга не гулялі. Не буду цяпер казаць пра тое, што мы ўляцім і ўсіх адразу абыграем. Я вось успамінаю свой першы чэмпіянат свету і тое, як я тросся, як дзяцюк. Думаю, што такі вялікі перапынак адыграе сваю ролю, тым больш некаторыя хлопцы ўвогуле ніколі там не гулялі. Тым гандбалістам зборнай, якія выступаюць у еўрапейскіх клубах, будзе прасцей, таму што яны і ў Лізе Чэмпіёнаў выступаюць, і ў чэмпіянатах моцных. А вось хлопцам, якія гуляюць у нас, супраць беларусаў і расіян... Ім цяжэй будзе. Я б не патрабаваў топавага выніку на першым турніры міжнародным, а потым, на працягу двух гадоў, усе вернуцца ў гэты тонус. Хаця, думаю, мы б выступілі лепш, чым раней. Падбор гульцоў у нас вельмі магутны, – сказаў Шумак.
