– Цяжкавата і доўга на самай справе. Сталы побыт (пастаянны від на жыхарства) я атрымала ў 2022-м досыць хутка, таму што ў мяне была карта паляка. Дзякуй маме за тое, што аформіла ўсё яшчэ шмат гадоў таму. Дык вось, ВНЖ я атрымала за чатыры месяцы і практычна адразу ж падалася на грамадзянства. Гэта быў лістапад 2022 года, але атрымала пашпарт толькі ў студзені 2025-га. Мне казалі, што павінна быць хутчэй, некаторыя атрымлівалі за чатыры месяцы, а ў мяне расцягнулася на гады.

– З чым звязана такая затрымка?

– Нават не ведаю. Я напісала на імя прэзідэнта і доўга чакала адказ ад канцылярыі. У лістападзе 2022-га падала дакументы, а ў красавіку 2023-га мне прыйшоў адказ, што дакументы ўжо ў прэзідэнта. І вось разгляд зацягнуўся. Я тэлефанавала і пісала ў канцылярыю, але мне ўвесь час адказвалі, што трэба чакаць. У нейкі момант нават падумала, што зноўку трэба збіраць дакументы, зноўку ўсё падаваць.

– Як даведаліся пра тое, што атрымалі грамадзянства?

– Самае цікавае, што мне, як аказалася, тэлефанавалі з ужонда, але так як нумар, відаць, я ўказала з памылкай, то звязацца не маглі. Патэлефанавалі ў клуб, паведамілі, што я атрымала грамадзянства. А ўжо адтуль звязаліся са мной і папрасілі звярнуцца ў ужонд. Літаральна на наступны дзень пасля гэтага я паехала і забрала прыгожы дакумент. Адразу падала заяву на змену прозвішча і на афармленне польскага пашпарта. Шчыра, толькі тады выдыхнула... Хоць, калі я патэлефанавала ў ужонд і мне тамака пацвердзілі, што я атрымала грамадзянства, аж крычала і пішчала ад радасці.

Адразу паведаміла сям'і, сябрам, хлопцу. Усе былі вельмі рады, віншавалі. А яшчэ сябрам з Беларусі, з якімі маю зносіны. Я захавала кантакты з добрымі хлопцамі і дзяўчатамі, якія будуць заўжды мяне падтрымліваць. Але, нягледзячы на атрыманне польскага грамадзянства, у душы я ўсё роўна застаюся беларускай, – падзялілася Казлоўская.

Аўтар: Александр Литвинов

Крыніца: Tribuna.com