📉 Рэгрэс Каземіра пужае: летам 2023-га яго вінавацілі ў лішняй вазе – і з таго часу ўсё пайшло на спад

Перад міжнароднай паўзай у цэнтральным матчы тура АПЛ «Манчэстэр Юнайтэд» разгромна прайграў «Ліверпулю» — 0:3.

Сярод усіх негатыўных момантаў, на якія можна было звярнуць увагу, больш за ўсё дасталася індывідуальна аднаму гульцу – Каземіра, які ў першым тайме фактычна прывёз два галы на пустым месцы, а ў перапынку быў заменены на 20-гадовага дэбютанта з акадэміі.

Імклівы спад легендарнага бразільца сапраўды палохае — невытлумачальны рэгрэс усяго за адзін год.

Каземіру сыходзіў з «Рэала» амаль на піку — і на топавым узроўні правёў першы сезон у Англіі

Магчыма, не ўсе памятаюць, але трансфер Каземіра з «Рэала» ў «МЮ» меў мала агульнага з трансферам Рафаэля Варана — у адрозненне ад француза, які ў Мадрыдзе часам пражываў няпростыя перыяды, бразілец не даваў падстаў сумнявацца ў сваёй гульні. Увогуле, Каземіра стаў найлепшым гульцом матча за Суперкубак УЕФА-2022.

Рэакцыя на чуткі пра пераезд у крызісны «МЮ» была паказальнай — гэта ўспрымалася як няўдалы жарт. У Іспаніі клуб і Фларэнціна Перэса ледзь не знішчылі за тое, што ён адпусціў настолькі важнага футбаліста. Тым не менш, прэзідэнт атрымаў грашовую прапанову (70+ млн еўра) за 30-гадовага паўабаронцу і даў яму права выбару.

Сярод прычын, якія агучваў сам Каземіра, былі словы пра «новы выклік». Маўляў, ён страчваў матывацыю, выйграючы ўсё ў «Рэале», і тут узровень АПЛ і праблемы новай каманды сталі для яго прывабнымі. Аднак відавочна, што былі і іншыя прычыны, пра якія бразілец не казаў адкрыта — падпісанне мадрыдцамі маладога канкурэнта Арэлена Чуамені за 80 млн еўра і вялікія грошы ад «МЮ».

Хоць фінансавы аспект ён заўсёды адмаўляў:

💬 «Я сышоў праз грошы? Вы памыляецеся. Людзі, якія так кажуць, відавочна, мяне не ведаюць. Калі б гэта было толькі пра грошы, я б сышоў яшчэ чатыры гады таму (Каземіру доўгі час меў адзін з самых нізкіх заробкаў у «Рэале» — прым.). Чаго я хачу? Новых выклікаў, новага клуба, новай краіны, новай культуры. Я адчуваю сябе, як быццам мне зноў 18 — наперадзе шмат футбола».

Аднак спачатку футбола было не так шмат — Эрык тэн Хаг доўга падводзіў паўабаронцу да асноўнага складу. Але калі Каземіру нарэшце стаў неад'емнай часткай каманды, то «МЮ» цяжка было ўявіць без яго.

Сезон 2022/23 можна назваць паспяховым для клуба: бронза ў АПЛ, перамога ў Кубку, кваліфікацыя ў Лігу чэмпіёнаў і значнае паляпшэнне гульні. Каземіра стаў ключавым элементам гэтага прагрэсу, і нават некалькі чырвоных картак і (і сумнеўныя працяглыя дыскваліфікацыі) не сапсавалі агульнае ўражанне ад яго гульні.

Калі паглядзець на навіны пра «МЮ» з зімы-вясны 2023 года, там можна знайсці мноства кампліментаў на адрас Каземіра — ад экспертаў, заўзятараў, трэнераў і таварышаў па камандзе. Калі б не фенаменальная форма Маркуса Рэшфарда пасля ЧС-2022, то бразільца б дакладна назвалі найлепшым гульцом сезона ў клубе.

У выніку — прысутнасць у топ-20 розных версій рэйтынга «Залаты мяч» і каманды сезону АПЛ у FIFA 23 (галасаванне праводзіцца сумесна з лігай).

Спад пачаўся з летніх збораў 2023 года — Каземіра абвінавачвалі ў лішняй ваге, а пасля набору формы ён адразу атрымаў траўму.

Неверагодна, як усё магло змяніцца ўсяго за некалькі месяцаў. Гэта якраз той выпадак, калі варта вінаваціць самога футбаліста — вось у якім стане ён прыбыў на летнія зборы пасля адпачынку ў 2023 годзе.

У медыя адразу падзяліліся меркаванні: адны казалі пра лішнюю вагу, іншыя — пра дрэнны ракурс фота. Аднак паралельна з'явіліся інсайды, што бразілец як мінімум відавочна прыбыў у дрэннай форме.

Гэта адразу спарадзіла мноства мемаў, у тым ліку параўнанні з героем серыяла «Тэд Ласа»:

Прыляталі і жарты ад былых аднаклубнікаў — Тоні Кроаса, Лукі Модрыча і Карла Анчэлоці вельмі цікавілі шчокі і жывоцік Каземіра пасля таварыскай гульні.

Варта адзначыць, што гэта пэўная генетычная асаблівасць бразільца, з якой ён паспяхова змагаўся на працягу ўсёй кар'еры ў Еўропе. Праблема праявілася яшчэ ў моладзеўцы «Сан-Паўлу» і пазней у дарослай камандзе — праз яе і недахопу дынамікі ён у свой час Каземіра прайграў канкурэнцыю арэндаванаму з «Арсенала» Дэнілсану. Пра гэта больш падрабязна распавядаў спецыяліст па бразільскім футболе Крыс Аткінс:

💬 «Трэнеры крытыкавалі Каземіра за слабую падрыхтоўку і лішнюю вагу. Калі арэндавалі Дэнілсана, Каземіра сядзеў на лаўцы. «Сан-Паулу» перамагаў, а пара Велінгтан-Дэнілсан запальвала. Пасля траўмы калена ў 2012 годзе Каземіра пачаў гуляць яшчэ менш. Прэтэнзіі трэнэраў заставаліся нязменнымі — адсутнасць працоўнай этыкі і дрэнная фізічная форма».

Праўда, дзіўна чытаць такое пра футбаліста, які бліснуў у праймавым «Рэале». Адказ на пытанне «як так сталася» — Хуні Калафат, які сёння з'яўляецца галоўным скаўтам мадрыдцаў.

Калафат убачыў у Каземіра тое, што не бачылі іншыя еўрапейскія клубы — і пераканаў «сметанковых» узяць такую сумнеўную кандыдатуру. Той аддзячыў дысцыплінай і вырас да сапраўднага топа.

Аднак, верагодна, пасля першага паспяховага сезону ў «МЮ» ён даў слабіну і паплаціўся за гэта. Не, гаворка не пра далейшыя паводзіны, бо хаўбек, наадварот, праявіў прафесіяналізм і пачаў хутка выпраўляць сітуацыю (хоць да гэтага паспеў трапіць у розныя антырэйтынгі па статыстычных паказніках на пачатку кампаніі 2022/23).

Каземіра рэабілітаваўся і ў верасні-кастрычніку 2023 года аднавіў аптымальныя кандыцыі, паказаўшы серыю добрых матчаў. Але, на жаль, адразу траўмаваўся. Увесь прагрэс перакрэслілі два запар пашкоджанні — другое датычылася задняй паверхні сцягна і стала згубным, бо выбіла бразільца з гульні на больш як тры месяцы (канец кастрычніка-канец студзеня).

Такія перапады за кароткі прамежак часу не прайшлі бесслядоўна, таму ў 2024 годзе апорнік ніяк не можа знайсці старую версію сябе. І не факт, што зробіць гэта ў свае 32 гады.

Дайшло нават да таго, што «МЮ» сур'ёзна разглядаў продаж у Саудаўскую Аравію — гэта была ініцыятыва новага ўласніка Джыма Рэткліфа, які называў сам трансфер Каземіра памылковым і нерацыянальным.

Яшчэ спад бразільца ў грубым стылі вырашылі зафіксаваць распрацоўшчыкі EA FC 25 (экс-FIFA) — у новай версіі футбольнага сімулятара паказнік хуткасці быў зніжаны з 63 да 38 (!).

Цяпер Каземіра стаў ахвярным казлом. Не ў апошнюю чаргу праз стыль «МЮ» — Угарту падрыхтавацца

Новы сезон — старт праблем. Каземіра нібыта добра прайшоў зборы, заслужыў давер Тэн Хага, але старт у АПЛ аказаўся не надта ўдалым.

Паражэнне ад «Ліверпуля» — апагей. Пункты асабістай катастрофы бразільца:

❌ Памылка пры перадачы перад першым прапушчаным:

ВІДЭА

❌ Перад другім голам абрэзаўся пры спробе працягнуць мяч:

ВІДЭА

❌ Яшчэ некалькі падобных памылак;

❌ Свіст заўзятараў на яго адрас пасля першага тайму;

❌ Замена на 20-гадовага Тобі Кальера, для якога гэта быў дэбют;

❌ Разбуральная крытыка з усіх бакоў — тэлебачанне, эксперты, сацыяльныя сеткі, зноў мемы.

Аднак ёсць контраргументы на карысць Каземіра — ён, верагодна, упершыню ў сваёй кар'еры адчуў, як гэта гуляць у настолькі дэзарыентаванай камандзе. Гэта накладаецца на стыль тэн Хага, пры якім апорнік павінен самастойна пакрываць гектары прасторы ў цэнтры, асабліва пасля страт у пераходных фазах — часам супраць некалькіх супернікаў адначасова. Напрыклад:

«МЮ» у выніку завяршыў трансфер Мануэля Угартэ з «ПСЖ» за 50+ млн еўра, які павінен стаць заменай/канкурэнтам для бразільца. Толькі не пакідае думка, што 23-гадовы ўругваец проста заменіць Каземіра ў ролі ахвярнага казла.

Абладальнік некалькіх ЛЧ у мінулым сезоне намякаў у інтэрв'ю, што не ўсё залежыць выключна ад яго:

💬 «Год таму я лічыўся адным з найлепшых трансфераў АПЛ, а цяпер нічога не каштую? Крытыка — без павагі. Калі гэта непавага, яна выклікае трывогу — і тады я не павінен паважаць яе ў адказ».

Як бы там ні было, з прыходам Угартэ перспектывы Каземіра становяцца ілюзорнымі, а вочь чуткі пра Турцыю ці Саудаўскую Аравію ўсё рэальнейшымі. Прынамсі таму, што бразілец на гэты момант у «МЮ» мае найвышэйшую зарплату — па звестках партала Capology, больш за 21 млн еўра ў год без уліку падаткаў, што на 3 млн больш, чым у Бруну Фернандэша. Дагавор дзейнічае да лета 2026 года.

***

Днямі з'явіўся цікавы інсайд ад журналіста BBC Самуэля Лакхерста — быццам спад звязаны са стратаю матывацыі, паколькі Каземіра не чакаў, што «МЮ» будзе змагацца за нізкія месцы. Прынамсі, так лічаць унутры клуба і калектыву.

Фота: Richard Callis/SPP, «Манчэстэр Юнайтед», скрыншоты трансляцыї Setanta