Сочы-2014. Кёрлінггёрлз

Другая раніца запар пачынаецца для мяне з кёрлінга.

Спадабаўся жарт, маўляў, раз на чатыры гады расіяне ўспамінаюць, што ў іх прыгожыя кёрлінгісткі. Ну і не толькі прыгожыя.

Ну гэта і сапраўды так. Мне асабіста спадабалася інтэрв'ю на спортсе скіпа расійскай зборнай Ганны Сідаравай. Цямна адказваць на тупыя пытанні - класная здольнасць.

Дарэчы кёрлінг гульня, дзе трэба ўмець думаць і прыдумляць. Прынамсі менавіта гэта дапамагло зборнай Расіі перамагчы ЗША. Прайгравалі, але метадычна выбілі ўсе лішнія камянюкі. Не далі набраць супернікам балаў, заваявалі сваё.

Жонка, як прачнулася, спытала, ці шмат дае тое, што я разумею, што яны крычаць. Не, не шмат. Стасуюцца між сабой на слэнге. А момант, калі ад удала кінутага камяня ўсё разлятаецца па баках, ён цудоўны і без перакладу.

Шчыра кажучы, зборная ЗША выступіла нечакана слаба. Пару рашаючых кідкоў амерканцы тупа слажалі, не дакінуўшы ці пракінуўшы камяні. Можа ціск трыбун быў для іх занадта моцным. Зрэшты ў рашаючых гульнях амерыканкі не будуць такімі распаволенымі.

А ў расіянак другая запар перамога. Віншую.