Ctrl+C - Ctrl+V. Арсенал - Баварыя. Версія 2.0 + Ліга Еўропы 1/16 фінала

Арсенал 0-2 Баварыя

54 - 0-1 Крос

88 - 0-2 Мюлер

Баварыя упэўнена працягвае абарону тытула лепшай каманды Еўропы. Арсенал аказваў добрае супраціўленне да справядлівага выдалення Войцэха Шчэсны. Пачатак гульні апынуўся адназначна за "кананірамі". Яны больш актыўна дзейнічалі ў атацы, што і прывяло да прызначэння пенальці. Гэта Джэром Баатэнг неакуратна абыйшоўся са сваім партнёрам па зборнай Месутам Азілам. Пастрадалы сам вырашыў выканаць удар, але найлепшы брамнік свету #прямосейчас быў супраць

Казалася, адбыўся пераломны момант і Баварыя зараз пойдзе граміць гаспадароў. Сапраўды, мюнхенцы прыжалі да сваёй штрафной плошчы лонданцаў, але да пары да часу Арсенал трымаўся. Н 37 хвіліне Шчэсны сфаліў на Робэне і атрымаў чырвоную картку + пенальці.

Венгер знімае з гульні Санці Касорлу і выпускае Лукаша Фаб'янскі. Пенальці вырашыў выканаць Давід Алаба, але яму не пашансавала: брамнік скокнуў улева, а Давід прабіў у правую ад Фаб'янскі штангу. 

Першы тайм так і скончыўся са стартавымі нулямі на табло. Пасля ўзнаўлення гульні пачалося татальнае дамінаванне гасцей, якое лагічна скончылася забітым голам. Гэта Тоні Крос, які правёў шыкоўны матч, выдатна стрэліў з-за штрафной. 

У Баварыі было шмат шансаў павялічыць адрыў, але скарысталіся толькі адным. Лам зрабіў бліскучы навес у штрафную, а адтуль галавой мяч пераправіў Томас Мюлер, які з'явіўся на поле замест Марыа Манджукіча.

2-0. Баварыя робіць сур'ёзны крок у чвэрцьфінал. Але не забываем усё ж такі пра матч у адказ.

Такім чынам першая палова стартавых матчаў 1/8 прынесла нямецкім камандам розныя эмоцыі: ад радасці і шчасця ў Мюнхене, да расчаравання і горычы ў Леверкузене. На наступным тыдні ў барацьбу ўключаюцца два "рурскіх" прадстаўнікі: Барусія Дортмунд і Шальке 04. У іх таксама розныя шансы на працяг еўрапескай кампаніі, але пра гэта мы пагаворым на наступным тыдні. 

А зараз звярнемся да другога клубнага спаборніцтва - Лігі Еўропы, дзе застаўся адзіны нямецкі прадстаўнік: франкфуртскі Айнтрахт.

Другая каманда Лігі Сагрэш супраць дванаццатай каманды Бундэслігі. Айнтрахт чакаюць важныя матчы ў Германіі і як на іх скажацца дадатковая нагрузка ў Еўропе ніхто спрагназаваць не можа. Каманда знаходзіцца ў сярэдзіне табліцы чэмпіяната, але да зоны выляту 3 балы, а наперадзе 13 тураў. 

Супернік у немцаў таксама нялёгкі. Порту - 2-х разовы ўладальнік Кубка Чэмпіёнаў і Кубка УЕФА (Лігі Еўропы). Апошні трыумф - у 2011 годзе. Партугальцы пачыналі еўракубкавую кампанію з Лігі Чэмпіёнаў, але ў сваёй групе апынуліся ніжэй за Атлетыка і Зеніт. Айнтрахт, у сваю чаргу, упэўнена выйграў сваю групу з 15 баламі. 

Порту - адзін з фаварытаў спаборніцтва. Але ставіць адназначна на партугальцаў не рызыкнуў, бо "Цмокам" не хапае крыху стабільнасці + слабая рэалізацыя сваіх момантаў (хто бачыў хатнюю гульню з Зенітам разумеюць). Улічваючы, што Айнтрахт - абарончая каманда, у Порту могуць узнікнуць перашкоды. 

Лічу, што будзе рэзультатыўная нічыя, напрыклад, 1-1, або мінімальная перамога гаспадароў.

На гэтым усе. Віншую з пачаткам еўракубкавай вясны!