Лёсаванне 1/8 фінала Лігі Чэмпіёнаў.

Нагадаем поўны спіс пар 1/8 фінала:

ПСЖ - Чэлсі

Манчэсцер Сіці - Барселона

Баер Леверкузен - Атлетыка Мадрыд

Ювентус - Барусія Дортмунд

Шальке 04 - Рэал Мадрыд

Шахцёр Данецк - Баварыя Мюнхен

Арсенал - Манака

Базэль - Порту

Зробім кароткі анонс 4 пар, больш дакладна пра шансы нямецкіх клубаў можна будзе казаць толькі ў лютым. Пачнем спачатку з пары з самым верагодным вынікам.

Шахцёр Данецк - Баварыя Мюнхен

Вераходнасць кваліфікацыі = 90%

Няхай не крыўдзяцца на мяне аматары Шахцёра, для Баварыі гэта найлепшы з магчымых супернікаў. Вось уявіце, што на месцы "гарнякоў" былі б ПСЖ, Ювентус ці Арсенал? Нягледзячы на тое, што ў стане Шахцера есць саўладальнік рэкорда рэзультатыўнасці Крышціяна Раналду, лічу, што такіх шансаў у Луіса Адрыяна праявіць сабе, якія былі ў матчах групавога раўнду амаль што не будзе.

Усе добра ведаюць, як Баварыя валодая мячом, таму Шахцер чакае складаныя 2 матчы.

Але гэта можа аказаць і добрую паслугу чэмпіёну Украіны. Калі ад цябе ніхто нічога не чакае, то стварыць сенсацыю і пасароміць скептыкаў будзе крыху прасцей.

Ювентус - Барусія Дортмунд

Верагоднасць кваліфікацыі = 55%

1997 год, Алімпіяштадыён, Мюнхен, фінал Лігі Чэмпіёнаў Ювентус - Барусія Дортмунд.

Праз 17 год яны сустракаюцца ў 1/8 фінала за 3 раўнды да іх апошняй бітвы. Адзін з яе удзельнікаў - Міхаэль Цорк, зараз займае пасаду спартыўнага дырэктара Барусіі і можа падзяліцца з Марка Ройсам і кампаніяй як адолець чэмпіёна Італіі.

Што датычыцца Юве, то, нягледзячы на іх унушальны склад і на праблемы Барусіі ў Бундэслізе, лічу, што шансаў у чэмпіёна Італіі меней. Да таго ж, на маю думку, Юрген Клоп як трэнер мацней за Максіміліана Алегры. Але ж дачакаемся лютага, нас будзе чакаць вельмі цікавая дуэль.  

Баер Леверкузен - Атлетыка Мадрыд

Верагоднасць кваліфікацыі = 40%

Баер мог заняць першае месца ў самай дзіўнай групе Лігі Чэмпіёнаў, але не змог адолець нематывіраваную Бенфіку. Цяпер хлопцам Роджэра Шміта прыйдзецца трымаць экзамен перад чэмпіёнам Іспаніі мадрыдскім Атлетыка. Баер мінулы ад Баера сучаснага адрозніваецца даволі сур'ёзна. Калі раней Леверкузен супраць топавых каманд гуляў ад абароны, то зараз яны прэсінгуюць на Альянц арэне саму Баварыю. Шансы на поспех у самай нетытулаванай нямецкай каманды ў еўракубках ёсць, але патрэбна с поўнай сур'ёзнасцю падысці да хлопцаў Сімеонэ.

Асаблівую ўвагу патрэбна надаць абароне пры стандартах, як імі карыстаецца Атлетыка ўсе добра ведаюць.

Шальке 04 - Рэал Мадрыд

Верагоднасць кваліфікацыі = 10%

Шальке зноў сустрэнецца за мадрыдскім Рэалам і зноў 3 раз запар можа скончыць свой шлях у Лізе Чэмпіёнаў у першым жа раўндзе. У мінулым годзе Шальке атрымаў 2 паразы: 1-6 у Гельзенкірхене і 1-3 у Мадрыдзе.

На першы погляд усё выглядае вельмі змрочна, але тады чаму ж 10% на кваліфікацыю? Усё проста: 10% - гэта галоўны трэнер Шальке Раберта Ды Матэа.

Яму ўжо даводзілася ствараць цуда ў траўні 2012, дык чаму ж зноў не стварыць яго ў лютым-красавіку 2015?) Асабліва я буду вельмі суперажываць "кобальтавым" у гэтай няроўнай бітве з уладальнікам дзесяці кубкаў Чэмпіёнаў