Прэзідэнт ЗША Дональд Трамп заявіў, што можа заблакаваць пагадненне пра будаўніцтва новага стадыёна для «Вашынгтона», калі каманда не верне сабе папярэднюю назву «Рэдскінз», якую лічаць абразлівай для карэнных народаў Амерыкі.

«Я магу накласці на іх абмежаванні, калі яны не зменяць назву на арыгінальную «Рэдскінз» і не пазбавяцца ад гэтай бессэнсоўнай мянушкі «Камандэрс»

Да прыкладу, я магу не дазволіць заключыць дамову пра будаўніцтва новага стадыёна ў Вашынгтоне», – напісаў Трамп у сваёй сацсетцы.

Таксама Трамп выказаўся за вяртанне бейсбольнаму «Кліўленд Гардыянс» ранейшай назвы «Індыянс». Па яго словах, нібыта існуе «вялікі запыт» на гэта.

І «Вашынгтон», і «Кліўленд» змянілі назвы ў 2022 годзе і ўжо паведамлялі, што не плануюць вяртацца да старых.

Аўтар: Dzmitry Antonau

Крыніца: ESPN