Па інфармацыі ESPN, па меншай меры 100 гульцоў з прыкладна паловы клубаў НФЛ могуць быць аштрафаваныя і нават дыскваліфікаваныя за перапродаж білетаў на Супербоул LIX па завышаным кошце.

Паводле дамоўленасці паміж НФЛ і Асацыяцыяй гульцоў лігі (NFLPA), парушальнікі заплацяць штраф у памеры 1,5 намінальнага кошту білета і страцяць права на атрыманне білетаў на наступныя два Супербоула.

Калі гулец будзе ўдзельнічаць у матчы, ён зможа набыць білеты, але ўжо без прэферэнцый.

Тыя, хто адмовіцца прыняць пакаранне, могуць быць дыскваліфікаваныя камісарам лігі Роджэрам Гудэлам, заявілі крыніцы ў НФЛ і прафсаюзе.

Частка гульцоў ужо пагадзіліся на штраф, каб пазбегнуць пропуску матчаў. Імёны парушальнікаў і клубы, якія яны прадстаўляюць, афіцыйна не выдаюцца.

Ва ўнутраным мемарандуме НФЛ пазначана, што расследаванне выявіла продаж білетаў супрацоўнікамі і гульцамі клубаў праз «невялікую колькасць пасрэднікаў», якія працавалі з прафесійнымі рэсэлерамі.

Па даных СМІ, перад лютаўскім матчам у Новым Арлеане (паміж «Канзас-Сіці» і «Філадэльфіяй» – заўв.) мінімальны кошт перапрададзенага білета дасягаў 2 588 долараў, а некаторыя месцы каштавалі больш за 10 000.

Удзельнікі, якія наўпрост супрацоўнічалі з пасярэднікамі або адыгрывалі актыўную ролю ў перапродажах, атрымаюць больш строгія санкцыі.

Аўтар: Dzmitry Antonau

Крыніца: ESPN