Верамеенка – пра завяршэнне кар'еры: «Якая эпоха? Я і так падзатрымалася. Адэкватнае і дарослае рашэнне»
37-гадовая экс-баскетбалістка зборнай Беларусі Анастасія Верамеенка расказала пра тое, як прыняла рашэнне завяршыць кар'еру.
– Былі пытанні яшчэ ў мінулым годзе. Былі мікратраўмы. Не вельмі камфортна было дагульваць сезон.
Дамовіліся, што калі аднаўлюся, то адыграю яшчэ сезон. Але я ведала, што гэты сезон сапраўды будзе апошнім. Маё асяроддзе і блізкія таксама ведалі. Гэта было ўзважанае рашэнне.
– Для вашай сям'і, можа, гэта і не сенсацыя. Але для нас гэта сенсацыя – цэлая эпоха застаецца ў мінулым.
– Якая эпоха... Я і так падзатрымалася. Амаль 38 мне. Не сказала б, што гэта эпоха.
– Гэта сціпласць?
– Не. Добра, калі б я зараз гуляла як у 27, то можна было б застацца.
Але ж я сама бачу, як я бягу, скачу, перасоўваюся. Лічу, гэта адэкватнае і дарослае рашэнне, – сказала Верамеенка.
