Сола дэбютавала ў Кубку IBU, другі па значэнні серыі спаборніцтваў па міжнародным біятлоне, у 17 гадоў. У пачатку сезона 2014/15 яна ўпершыню трапіла ў дзясятку лепшых на этапе ў Бейтастэлене, заваяваўшы чацвёртае месца ў спрынце.

Зборная Беларусі

Да міжнароднага бана Сола выступала за зборную Беларусі па біятлоне на Кубка свету і Алімпійскіх гульнях.

Пасля адхілення ад спаборніцтваў працягвае выступленні на Кубку Садружнасці і іншых беларуска-расійскіх спаборніцтвах.

Дасягненні

У 2019 бронзавы медаль чэмпіянату Еўропы ў змяшанай эстафеце.

На чэмпіянаце свету па біятлоне 2021 года ў славенскай Паклюцы Сола ўпершыню змагла падняцца на подыум, заваяваўшы бронзавую ўзнагароду ў спрынце. У фінале сезона 2020/21 у Эстэрсундзе яна ў другі раз паднялася на пʼедэстал гонару ў гонцы пераследу, заняўшы трэцяе месца. У беларускай жаночай эстафеце яна таксама змагла двойчы заняць другое месца ў Оберхофе і Нове-Място-на-Мараве.

У сезоне 2021/2022 на другім этапе Кубка свету ў шведскім Эстэрсундзе ў спрынце спартсменка заняла трэцяе месца.

На трэцім этапе Кубка свету ў Хохфільцэне Сола заняла першае месца ў спрынце.

Таксама ў 2022-м годзе Сола дэбютавала на Алімпійскіх гульнях у складзе зборнай Беларусі.

Асабістае жыццё

Сола з 2022 года замужам за веласіпедыстам Станіславам Бажковым. У 2023 у пары нарадзілася дачка.

Сола і пратэсты ў Беларусі 2020

У 2021-м годзе біятланістка адмовілася падпісваць ліст у падтрымку рэжыму Лукашэнкі.

Тады спартсменка заявіла: «Мне ёсць за што сказаць дзякуй краіне, але ў першую чаргу хацелася б, каб спорт заставаўся па-за палітыкай. Цяжка канцэнтравацца на спартыўных выніках, калі чытаеш сумныя навіны з Беларусі. Таму мая пазіцыя нават не палітычная, а агульначалавечая: за мір, выкананне законаў і вырашэнне любых пытанняў без прымянення гвалту».

У 2025-м годзе паўдзельнічала ў флэш-мобе «Надо» ў падтрымку Лукашэнкі перад «выбарамі» 2025 года.