«Мне дапамаглі падняцца на ногі». Нідэрландскага велагоншчыка дэ Кляйна збіла група падлеткаў падчас трэніроўкі
Велагоншчык каманды Tudor Арвід дэ Кляйн атрымаў траўмы пасля сутыкнення з групай падлеткаў падчас трэніроўкі каля горада Сінт-Удэнродэ, Нідэрланды.
Інцыдэнт адбыўся 8 красавіка падчас падрыхтоўкі да гонкі Шэльдэпрэйс, а ў гэты ж час у горадзе праходзіў музычны фестываль Paaspop.
«Я праязджаў міма групы з дзесяці хлопцаў прыкладна 15, 16 ці 17 гадоў. Яны асыпалі мяне лаянкай, згадваючы хваробу, ад якой памёр мой бацька. Я развярнуўся і паспрабаваў пагаварыць з імі. Чаму яны павінны былі выкарыстоўваць гэтае слова і наогул так сябе паводзіць? Калі я папрасіў іх спыніцца, таму што мой бацька памёр ад гэтай хваробы, сітуацыя толькі пагоршылася.
Адзін з іх стаяў ззаду справа на фэтбайку і раптоўна напаў на мяне, збіўшы з ног. Аказалася, што ў мяне зламаны нос. На шчасце, побач былі прахожыя, якія гэта ўбачылі, і дзевяцёх з іх затрымалі. Яны таксама дапамаглі мне падняцца на ногі.
На жаль, той, хто ўдарыў, хутка знік, і яго да гэтага часу не знайшлі. Судовы працэс, на жаль, яшчэ працягнецца нейкі час, але я рады, што ім гэта не сыдзе з рук», – сказаў дэ Кляйн.
32-гадовы велагоншчык у мінулым сезоне атрымаў перамогу ў дзвюх гонках тура UCI ProSeries: на другім і шостым этапах мнагадзёнкі ў Куала-Лумпуры.
