Збяры ідэальную «Маю стужку»: імгненныя падпіскі ўжо на «Трыбуне»
Усім прывітанне!
Добрая навіна: мы працягваем працаваць над тым, каб зрабіць Трыбуну яшчэ лепшай, прыгажэйшай, зручнейшай!
Дзеля гэтага з’яўляюцца цікавыя абнаўленні. Вашай увазе – падборка навін распрацоўкі!
Падпіска на тэгі з публікацыі і на блогі са старонкі паста
Для вашай зручнасці цяпер на тэгі можна падпісвацца проста з публікацыі.
Чытаеце пост або навіну, праглядаеце старонку – у вас ёсць магчымасць падпісацца на любы тэг, які там згадваецца. Шукайце блок са спісам тэгаў. На кожным з іх з’явілася кнопка-сэрца, якая дазваляе хутка падпісацца.
Чытаеце цікавы пост – звярніце ўвагу на блок з інфармацыяй пра блог. Там можна адразу ўбачыць колькасць падпісчыкаў і падпісацца на блог.
Любімы тэг і віджэт матчаў у «Маёй стужцы»
Раім перыядычна заходзіць у свой профіль – мы ўвесь час дадаем новыя фічы.
Нядаўна з’явілася магчымасць зрабіць адзін з тэгаў абраным. Для гэтага адкрыйце ўкладку «Падпіскі» ў профілі і націсніце «Дадаць у абранае» на картцы патрэбнага тэга.
Такі тэг будзе выдзелены, а ў «Маёй стужцы» у віджэце матчаў інфармацыя пра яго будзе атрымліваць прыярытэт. Так вы дакладна не прапусціце важную гульню.
Калі вы яшчэ не бачылі гэты віджэт – самы час зазірнуць у «Маю стужку». Калі вы падпісаныя хаця б на адзін тэг з матчамі, вы ўбачыце блок з будучымі або нядаўна згулянымі сустрэчамі.
Мае матчы ў профілі і ў матч-цэнтры
Фіча для тых, хто хоча адсочваць вынікі любімых каманд і спартсменаў.
Вы падпісваецеся на тэгі клубаў, зборных, гульцоў – а мы фармуем для вас персанальны расклад матчаў і паказваем яго як у профілі, так і ў матч-центры.
Калі вы карыстаецеся мабільным дадаткам, то можаце гнутка наладжваць апавяшчэнні. У матч-цэнтры шукайце званочак побач з матчам і выбірайце, пра якія падзеі хочаце атрымліваць апавяшчэнні.
Мая стужка
Гэта ваша асабістая прастора. Вы самі фармуеце стужку і наладжваеце яе пад свае інтарэсы.
Ключ да ідэальнай «Маёй стужкі» – падпіскі. Падпісвайцеся на тэгі і блогі, і стужка будзе напаўняцца важнымі менавіта для вас навінамі.
Што далей?
Мы працягнем развіваць «Маю стужку» – яна стане яшчэ больш насычанай і цікавай. Працуем над сістэмай рэкамендацый, каб яшчэ дакладней падбіраць кантэнт пад вашыя інтарэсы.
Таксама абнаўляем рэйтынгі – хутка з’явіцца новая сістэма, якая будзе ўлічваць усе тыпы актыўнасцяў. Разам з рэйтынгамі з’явяцца ўзнагароды (ці ачыўкі 😉), а профілі стануць яшчэ больш інфарматыўнымі і цікавымі.
І, канешне, наперадзе яшчэ адна важная падзея – вяртанне функцыяналу, якога чакалі. Вашыя варыянты пішыце ў каментарыях 👇
Чакаем і вашыя водгукі пра «Маю стужку» і іншыя новаўвядзенні. Дзяліцеся меркаваннямі – у вас ёсць рэальная магчымасць уплываць на развіццё нашага медыя!
