Віктар Ганчарэнка: «Мы ў зборнай, вядома, глядзім за Сакалоўскім. Самае важнае – каб была гульнявая практыка»
Галоўны трэнер зборнай Беларусі Віктар Ганчарэнка выказаўся пра гульню выхаванца мінскага «Дынама» Арцёма Сакалоўскага.
19-гадовы паўабаронца адкрыў лік на 28-й хвіліне фінальнай сустрэчы Кубку з БАТЭ і падоўжыў сваю галявую серыю за клуб да трох матчаў.
– Ужо прыглядаліся да Сакалоўскага ці не?
– Думаю, што за ўсімі гульцамі, якія маюць добрую гульнявую практыку і статыстыку, мы, вядома, глядзім. Сакалоўскі ў Брэсце вельмі добрае згуляў, дзе па якасці вельмі добрыя галы ў яго былі. Таму зразумела, што ў нас шырокая абойма. Для нас самае важнае – каб была гульнявая практыка.
– Хлопцу 19 гадоў, у мінулым сезоне – 3+2 за «Слуцк», у гэтым сезоне ўжо пачынае па-даросламу глядзецца. Гэта сталенне, набор досведу?
– Вы ведаеце, у нас такая сітуацыя, што, па вялікім рахунку, не важна, колькі гадоў – 18 або 35-36. Важна, каб чалавек даваў вынік цяпер. Бо мы разумеем: заўзятарам трэба даваць нейкае свята, а не чакаць чагосьці ў будучыні ці думаць, у каго якое мінулае, – патлумачыў Ганчарэнка.
У бягучым сезоне гулец выходзіў на поле за каманду ў 8 матчах ва ўсіх турнірах, у якіх ён аформіў чатыры галы і атрымаў дзве жоўтыя карткі.
