Шагойка пасля 1:0 з «Арсеналам»: «Заўсёды з павагай ставіўся да гэтай каманды»
Галоўны трэнер мінскага «Дынама» Аляксандр Шагойка падвёў вынікі матча 10-га тура вышэйшай лігі супраць дзяржынскага «Арсенала» (1:0).
– Вельмі рады цяжкай перамозе, добры супернік. Заўсёды з павагай ставіўся да гэтай каманды. Падабаюцца метады і падыходы яе працы. Той футбол, які будуе «Арсенал», мне імпануе. Цяжкія першыя 10-15 хвілін атрымаліся, у ўсіх былі сілы. Недзе супернік пару разоў нас злавіў на пераходах. Магчыма, пасля паўторнага прагляду відэа недзе памяняю сваё меркаванне, але лічу, што мы валодалі перавагай, маглі забіваць не адзін мяч. Добра, што так скончылася, вельмі рады.
– Наколькі камандзе патрэбны двухтыднёвы перапынак на матчы зборных?
– Якраз яго і чакалі. Цяжкі перыяд атрымаўся з кубкавымі гульнямі. Недзе рытм быў страчаны. У асноўным была ратацыя, але хлопцам трэба адпачыць, набрацца эмоцый, якія страцілі пасля тых няўдалых гульняў. Гэта больш важна, чым проста адпачыць.
– У канцы першага тайма ў Малашэвіча былі моманты, недзе яму не пашанцавала…
– Я б не толькі на ім рабіў акцэнт. Было дастаткова момантаў, якія можна было завяршаць. Гэта пытанне выканання. У гэтай гульні не трапіў, можа, нешта перашкодзіла. Галоўнае, што моманты ёсць. Гэта ўжо станоўчы эфект, – сказаў Шагойка.
