Анонс блога

У гэтым запісе будзе толькі анонс. Бо чамусьці пакуль што поле «запіс» не ціснецца. Сюды я буду запісваць цікавыя гісторыі пра сучасны спорт і рэпартажы з гульняў любімых каманд. Спорт мусіць прыносіць асалоду.

У свой час на спортс.ру я назваў блог у гонар мінскага «Партызана», але нават само слова «пармезан» - крутое. Гэта праца, гэта традыцыі, гэта выбітны брэнд. Мне хочацца, каб на Беларусі было больш свайго пармезану. Над гэтым і будзем дбаць.

Па прафесіі я тэатральны крытык, і гэта, вядома, адбіваецца на маё светаўспрыманне. І спорт мне цікавы найперш сваёй драматургіяй. Вядома, важна хто перамог, але яшчэ больш важна "як". Спорт і мастацтва прынцыпова розныя рэчы, але праз іх мы больш шчыльна сочым за жыццём, лепш разумеем сябе і тое, што адбываецца навокал.

Пісаць я ў большай ступені буду пра каманды і людзей, да якіх у мяне ляжыць душа, яны пералічаны ў профілі. Але, здаецца, нельга жыць у Беларусі і не мець уласнага меркавання пра БАТЭ ці мінскае "Дынама".

Чытаць я люблю больш, чым пісаць. Але маўчанне нараджае толькі маўчанне ў адказ. Першая беларуская газэта з рысункамі "Наша ніва" публікавала вялікую колькасць лістоў,і была такім блогам ці форумам, дзе кожны мог выказаць сваю думку. Так і трэба рабіць.