Агляд 25 тура

У 25 туры першынства Германіі адбыўся шэраг цікавых матчаў: Аўгсбург - Шальке, Баварыя - Баер, Барусія Дортмунд - Барусія Менхенгладбах, Вердэр - Штутгарт. Пра іх мы пагаворым падрабязней, але зусім не пакінем астатнія гульні.

Аўгсбург 1-2 Шальке

5 - 1-0 Вернэр

33 - 1-1 Хунтэлар

49 - 1-2 Хунтэлар

Адна з цэнтральных гульняў туру адбылася ў пятніцу. Аўгсбург прымаў Шальке. Каманды аддзяляла адзін ад аднаго 6 балаў і калі б гаспадары перамаглі, то сур'ёзна прэтэндавалі б на квіток у Лігу Чэмпіёнаў. Шальке ж пасля завяршэння барацьбы (дэ-факта) за другі трафей, сканцэнтраваў сваю ўвагу на чэмпіянаце і падышоў да гэтай гульні вельмі адказна. 

Але пачалося ўсё якраз з памылкі "кобальтавых". Гэта Цім Хогланд, пасля не вельмі зручнага скіду Бастаса, вывеў сам-насам Тобіаса Вернера. У канцы 1 тайма памыліўся ўжо брамнік Аўгсбурга. Раман Нойштэтэр прабіў па браме, а Алекс Манінгер адбіў мяч перад сабой. Тыповая памылка, якой скарыстаўся Клас-Ян Хунтэлар. Пасля перапынку Шальке вырашыў зыход гульні на сваю карысць: на гэты раз пазіцыйная памылка баварцаў у абароне прывяла да заходу некалькіх гульцоў Шальке ў штрафную, дзе Калашынац пакаціў Хунтэлару на пустую браму. У гэтым выпадку забіў бы кожны. 1-2 перамога Шальке, якая дазваляе выйсці на 3 месца ў лізе, Аўгсбург жа ні ў якім разе не страціў шансаў на еўракубкі.

-----------------------------------------------------------------------------------------

Баварыя 2-1 Баер Леверкузен

44 - 1-0 Манджукіч

52 - 2-0 Швайнштайгер

90 - 2-1 Кіслінг

Безумоўна, цэнтральны матч туру. Баварыя не збіраецца спыняцца ў чэмпіянаце Германіі, а Баеру патрэбны ачкі, каб папасці ў Лігу Чэмпіёнаў. Да таго ж для Баварыі гэта быў першы матч пасля абвяшчэння прысуду Улі Хёнесу, які атрымаў 3,5 гады за ўхіленне ад выплаты падаткаў (у Германіі з гэтым строга). 

Як і ў матчы ў пятніцу гульня вырашылася ў апошнія хвіліны 1 тайма - першыя хвіліны другога, Баер забіў таксама, вызначыўся Кіслінг, але гэта было ўжо калі Маркус Шмідт трымаў свісток у вуснах. Да гэтага ж часу матч праходзіў пад дамінаваннем гаспадароў. У Баварыі адлічыліся Манджукіч і Швайнштайгер (у апошніх матчах ён проста нямецкі Хаві !!!). Гол Басці - адзін з найлепшых у гэтым сезоне Бундэслігі. 

Баварыя мае ўжо "касмічны" адрыў ад 2 месца - 23 балы. а Баер пасля гэтай паразы прапусціў на 3 радок Шальке.

-----------------------------------------------------------------------------------------

Барусія Дортмунд 1-2 Барусія Мёнхенгладбах

31 - 0-1 Рафаэл

40 - 0-2 Крузе

77 - 1-2 Йоіч

Гладбах нарэшце дабваецца перамогі ў гэтым годзе ў матчы, у якім яе не чакалася. Дзякуючы недарэчнаму голу Рафаэла і дзёрзкаму голу Макса Крузэ. Гэты хлапец, калі паедзе ў Бразілію, можа выступіць там не горш, чым Мюлер у Паўднёвай Афрыцы.

Уражвае з'яўленне на поле Йоіча: серб трэці раз выходзіць у чэмпіянаце з лавы - і забівае свой другі мяч.

Дортмунд падпусціў Шальке да сябе на 1 бал, таму барацьба за срэбра ў Германіі абвастраецца.

-----------------------------------------------------------------------------------------

Вердэр 1-1 Штутгарт

55 - 0-1 Нідэрмаер

79 - 1-1 Хант

Штутгарт упершыню за доўгі час набраў рэзультатыўныя балы, а Вердэр не прайграе 4 гульню запар, што вельмі дапамагае "музыкам" аддаляцца ад зоны вылету. Штутгарт выйшаў зараджаным на барацьбу, усе гульцы хацелі з лепшага боку паказаць сябе перад новым галоўным трэнерам Хубам Стэвенсам, гэта ім удалося, бо ў дадзенай сітуацыі "швабам" важны кожны бал.

У брэменцаў трэба адзначыць Аарана Ханта, які ў апошніх гульнях гуляе выдатна. У гэтым туры ён забіў цудоўны гол са штрафнога ўдару. 

-----------------------------------------------------------------------------------------

Хаффенхайм 1899 2-4 Майнц 05

49 - 1-0 Паланскі

52 - 2-0 Фірміна

67 - 2-1 Чупа-Мотынг

73 - 2-2 Залер

75 - 2-3 Акадзакі

90 - 2-4 Акадзакі

Агляд

-----------------------------------------------------------------------------------------

Айнтрахт Браўншвайг 1-1 Вольфсбург

35 - 0-1 Луіз Густава

48 - 1-1 Бельарабі

-----------------------------------------------------------------------------------------

Герта 0-3 Гановер 96

49 - 0-1 Шціндль

57 - 0-2 Шлаўдраф

90 - 0-3 Хусці

Агляд

-----------------------------------------------------------------------------------------

Гамбург 2-1 Нюрнберг

80 - 1-0 Чалханаглу

86 - 2-0 Франц (аўтагол)

90 - 2-1 Дрміч

-----------------------------------------------------------------------------------------

Айнтрахт Франкфурт 1-4 Фрайбург

34 - 0-1 Шустэр

54 - 0-2 Гедэ

59 - 1-2 Хасэлу

70 - 1-3 Клаўс

90 - 1-4 Гедэ

-----------------------------------------------------------------------------------------

Гулец туру:

Басціян Швайнштайгер. У апошніх матчах паўабаронца Баварыі і зборнай Германіі набраў выдатную форму. Галоўнае, каб са здароўем усе было добра!

Гол туру:

Басціян Швайнштайгер

Зборная:

Брамнік: Цылер (Гановер 96)

Абаронцы: Залер (Майнц 05) - Нідэрмаер (Штутгарт) - Калашынац (Шальке 04)

Паўабаронцы: Швайнштайгер (Баварыя) - Чалханаглу (Гамбург) - Хант (Вердэр) - Крузэ (Гладбах) - Гедэ (Фрайбург)

Нападаючыя: Хунтэлар (Шальке 04) - Манджукіч (Баварыя)