26 тур. Баварыя ў кроку ад чэмпіёнства

1. Магчымае чэмпіёнства Баварыі.

У гэтую суботу Мюнхен мог аформіць чарговае чэмпіёнства, усе, што было патрэбна, Баварыя зрабіла, хаця не абышлося без складанасцяў, Майнц вельмі добра выглядаў супраць Баварыі, а ў першым тайме нават атакаваў больш небяспечна, але клас ёсць клас, і ўжо заўтра Баварыя можа стаць 24-кратным чэмпіёнам Германіі.

2. Падножка ад Барусіі

Дортмунд адклаў святкаванні Баварыі на некаторы час, адолеўшы ў гасцях Гановер:

Адзначым шыкоўны гол Левандоўскі і доўгачаканы гол Марка Ройса. Заўтра Барусію чакае цэнтральны матч 27 тура - Рурскае дэрбі, прыемна, што дзве каманды падыходзяць да яго ў неблагіх кандыцыях, Шальке дома перайграў браўншвайгскі Айнтрахт:

Шальке не зломлены пасля дуэлі з мадрыдскім Рэалам, чаго не скажаш пра Баер.

3. Леверкузен. Усё ніжэй і ніжэй.

Хлопцы Самі Хюпіа на хатняй арене саступілі Хафенхайму, які дрэнна гуляе ў гасцях:

Памылкі ў абароне ў гаспадароў настолькі жудасныя, што Аляксандр Бубноў хапаўся б за галаву, калі б расшыфроўваў матчы Баера.

4. Аўтсайдэрскія разборкі: Гамбург саступае Штутгарту, Вердэр - Фрайбургу, а Нюрнберг - айнтрахтскаму Франкфурту.

Штутгарт дасягае доўгачаканай перамогі, дзякуючы голу Аляксандру Максіма:

Вердэр не здолеў працягнуць сваю прыемную серыю без параз, саступіўшы Фрайбургу. У гаспадаром трапным стрэлам, адкрыўшы лік, адзначыўся капітан Юліян Шустэр:

Працягвае наш хіт-парад памылак у абароне матч Нюрнберг - Айнтрахт Фр. Нюрнберг нечакана буйна прайграў матч непасрэднаму канкурэнту, апусціўшы сябе на 17 радок.

5. У барацьбе за еўракубкі і магчымасць саставіць канкурэнцыю Баеру фаварыт - гладбахская Барусія.

"Жарэбчыкі" на сваім полі разграмілі сталічную Герту, якой 25 сакавіка трэба будзе стрымліваць націск мюнхенскай Баварыі, таму Герта рызыкуе ў кароткі час нядрэнна сапсаваць сабе статыстыку:

Адрыян Рамас, на гэты раз, памыліўся брамай і засмуціў Томаса Крафта.

Вольфсбург і Аўгсбург распісалі нічыю 1-1, чарговае выдаленне адбылося ў "ваўкоў", на гэты раз - Кевін дэ Бруйнэ. 

Гулец туру:

Вельмі нечакана, але гэта Аляксандру Максім. Цяжка было вызначыць лепшых гульцоў у каманд-лідэраў, бо ўсе яны правялі роўныя матчы. А вось Максім зрабіў тое, што Штутгарт не мог зрабіць 3 с паловай месяцы. Румын прынес доўгачаканую перамогу "швабам" над прамым канкурэнтам і дазволіў да наступнага туру пакінуць зону вылету.

Гол туру:

Было шмат цікавых мячэй. Гэта і Аранга, і Горэцка, і Кампанья, і Шустэр, але найлепшы, я лічу, гэта гол Роберта Левандоўскі:

Як кажа расійскі эксперт:"Гэта не космас, гэта Марс!!"

Зборная:

Брамнік: тэр Штэген (Барусія М)

Абаронцы: Мадлунг (Айнтрахт Фр) - Хумельс (Барусія Д) - Навескі (Майнц) - Радрыгес (Вольфсбург)

Паўабаронцы: Швайнштайгер (Баварыя) - Максім (Штутгарт) - Мхітаран (Барусія Д) - Аранга (Барусія М) - Гарэцка (Шальке)

Нападаючы: Хасэлу (Айнтрахт Фр)