Добрыя гульцы сыходзяць за грашыма, прыходзяць маладыя, якіх трэба вучыць, пакуль яны не зьбягуць таксама за грашыма. Замкнёнае кола!.. Пры адносна слабым фінансаваньні толькі талент трэнера і адэкватны маральна-псхалагічны клімат у клюбе здольныя стварыць КАМАНДУ, якая можа зьдзіўляць, запальваць і дасягаць вышынь. Ці здольнае сёньняшняе менскае "Дынама" прэтэндаваць на чэмпіёнства, натужна здабываючы перамогі ў марафоне гульняў з больш слабымі супернікамі, але "бяззуба" гуляючы амаль ва ўсіх прынцыповых матчах з мацнейшымі?.. Новая федэрацыя, спадзяюся, давядзе да лагічнага канца разборку з крыміналам мінулага першынства і дасьць прававую адзнаку падзеям, змыўшы пляму са сваёй рэпутацыі. Дык вось леташняе "Дынама" заслугоўвала і стала па сутнасці чэмпіёнам. А за сённяшняе, нажаль, ўжо не баліць. Вельмі шкада!

+0 / -1

Каментарый да паста: "Брестское «Динамо» снова вело, но закончило 1:1"

ліцьвін14 чэрвеня 2018, 07:25

Берасьцейцы заслугоўвалі перамогу. Яны гулялі больш востра і цікава для заўзятараў. Менчукі, як звычайна, бяззуба ціснулі, не мяняючы тактыку падыходу да брамы суперніка. У першых адчуваецца задзел для росту. У другіх -- толькі жаданне, а ідэяў ня бачна...

+4 / -3

Каментарый да навiны: "Эдуард Малофеев: «Претят современные способы празднования голов. Грустно, что люди не понимают, что выглядят смешно и глупо»"

ліцьвін2 чэрвеня 2018, 01:37

адказаў на каментарый карыстальніка Tiger

мужики в поле пашут

І ў полі аруць, і іншымі справамі займаюцца, у т.л. футболам. Гэта што, людзі другога гатунку?.. Тым больш, што сэнс некаторых слоў з цягам часу мяняецца. На жаль, з маральнымі прынцыпамі, разуменнем справядлівасці тое ж самае...

+0 / -1

Каментарый да навiны: "Сергей Гуренко: «Слухи вокруг «Динамо»? Я, наверное, как рогоносец. Все что-то знают, а я узнаю в последнюю очередь»"

ліцьвін1 чэрвеня 2018, 21:23

Ізноў далёка не гульня клуба з прэтензіямі на Эўропу!.. Бачна, што гульцы стараюцца, і трэнер у іх ня дурань... Але тэхніка абводкі, тэхніка пасавання, удара!.. Трэба інтэнсіфікаваць адпрацоўку эляментаў гульні на трэнажорах (мяханіка не складаная, таму трэнажоры ня будуць "залатымі"!). Напрыклад, футбольная "пушка" выстрэльвае футбалісту сэрыі мячоў з розных пазіцыяў і рознай моцы, а ён бясконца лупіць па варотах,-- так, думаю, ён заўважна наблізіцца па сваіх магчымасцях да заходніх гульцоў, якія яшчэ ў дзяцінстве набіраюць тое, што вымушаныя экстэрнам вучыць нашыя футбольныя дзядзькі...

+3 / -10

ліцьвін29 траўня 2018, 12:45

Эдуард Васільевіч кажа слушна. Мужык -- гэта заўсёды мужнасць і годнасць. Не пацанства і не шоў. Але прышоў час, і "нетрыванне эмоцый", іншыя адхіленні ад "старамодных" традыцый культывуюцца у грамадстве наўмысна. Навошта? Гэта асобная размова... Зразумела, што ў беларускага футбола ёсць і больш важкія клопаты і праблемы. І галоўнае, лічу, ў тым, што футбольная гаспадарка (як і ўсё ў нашай краіне) мае голыя дэкларатыўныя мэты, не самарганізаваная і не самадастатковая ў развіцці, а залежная ад старонняга суб’ектывізму, прымхацей чынавенства і непрафесіяналаў, не заточаная пад "канцавога спажыўца"... Тым ня менш пры ўсім гэтым казаць пра кувырканні на полі і іншыя "дробязі" трэба таксама. Чалавек па прызванні павінен удасканальваць усё, да чаго ен датычны...

+4 / -1

Каментарый да паста: "«Это и есть наш уровень, что поделать?» БАТЭ оторвался от «Динамо», но Гуренко катастрофы не видит"

ліцьвін24 траўня 2018, 00:29

Паглядзелі напружаны, але непрывабны футбол. Манатонныя закіды мяча наперад -- і латарэя, каму ён дастанецца! Думкі каманднай, змены тактыкі пад развіццё падзей на полі, пад паводзіны суперніка -- няма... Мне да спадобы спадар Гурэнка! Але ён наступае пастаянна на адныя і тыя ж граблі. І калі тут ягоная столя развіцця як трэнера -- вялікі жаль!..

+7 / -1

Каментарый да паста: "«Нас приговорили к смертной казни». «Крумкачам» почти не оставили шансов"

ліцьвін7 сакавіка 2018, 12:56

Хутчэй бы сённяшні варыянт кіраўніцтва АБФФ згінуў у Лета. Ад аднаго дзярма не пачысціліся, "апусціўшы вочы долу" і парушыўшы рэгламент у гісторыіі з Верамко ў бок "здаровага сэнсу", дык залезлі ў другую кучу, калі здарыўся выпадак менавіта для "здаровага сэнсу"... Ня будзе шчасця беларускаму футболу з такімі дзеячамі! Але чаму шматлікія спецыялісты і спартсмены ня здольныя вывесці гэты бардак са сваёй (ці не сваёй?) гаспадаркі?

Каментарый да паста: "«Так менять все недопустимо!» АБФФ устроила «диверсию» в отношении первой лиги – там многие в растерянности"

ліцьвін7 лютага 2018, 18:48

Я лічу, што гэта бардак (пардон, кажу толькі пра футбол! ). Шмат спецыялістаў, футбалістаў, чыноўнікаў... -- усе кажуць сваю "праўду", але ніхто не чуе "народ" (хаця хто цікавіўся складам спажыўца прадукту-"народу" -- заўзятараў футболу? хто думаў пра яго "інтэлектуалізацыю"? Без яе далей футбол -- прафанацыя, хоць і прыбыльная, як сёння ў эстрадзе, для купкі людзей, але па сутнасці -- "мёртвая"). Ніхто не працуе на агульны вынік, бо зараз капіталізм. Адзін кажа са сваёй званіцы, другі -- са сваёй. Краіна званіцаў?.. АБФФ -- гэта анахранізм савецкага чынавенства. Тое, што не давялі да заканадаўчага толку выпадак з Верамко, апусціўшы вочы долу -- ужо толькі гэта ставіць крыж на марах заўзятараў футболу і бацькоў, якія вядуць дзяцей у футбольныя школы. Трэба ініцыяваць футбольнае веча і разбірацца з мэтамі футболу ў краіне, яго арганізацыяй, сістэмай кіравання і сродкамі фінансавання. І не пад эгідай АБФФ "з лыжкамі", а менавіта пад эгідай трэнераў "з сошкамі", прафесійных і сумленных спецыялістаў... Даруйце, прывык жыць у сацыяльна арыентаванай дзяржаве, дык знянацку, можа, сказануў лішак!

Каментарый да навiны: "В чемпионат Беларуси вернут «золотой» матч"

ліцьвін30 студзеня 2018, 21:25

Пытанне ганебных паводзін федэрацыі спрабуюць схаваць за сумніўнымі "ўдасканальваннямі" чэмпіянату. Персанальна яе чальцы ніяк не адказалі за парушэнне закону, за сваё свавольства і, мабыць, карупцыю, бо кропкі над "і" яны паставіць не захацелі. Толькі "позіркі апусцілі долу". )) "Залаты" матч па сутнасці не патрэбны, калі судзейства сумленнае і не купляецца на грошы асобных каманд альбо на загады карумпаванага начальства... Ёсць надзея, што па прошлым чампіянаце кропку паставіць альбо расследаванне незалежных журналістаў (ёсць яшчэ такія?), заўзятараў, альбо пракуратура... Ня з мэтай звергнуць БАТЭ з п’едэсталу, а з мэтай ведаць ісціну і ў будучыні не наступаць на тыя ж граблі і ня ганьбіцца перад сусветам сваёй правінцыйнасцю... Набалелыя пытанні футболу замоўчваюцца, ігнаруюцца, бо закранаюць дабрабыт асобаў, якія верхаводзяць, хаця яны праходныя па сутнасці ў футболе і нашым жыцці... Цярпелі б іх, дык яны ж ламаюць лёс жывых людзей!

Каментарый да навiны: "Гуренко о «деле Веремко»: «Почему исполком проходит, а адекватного объяснения тому, что произошло, не дается?»"

ліцьвін28 снежня 2017, 14:43

ПАВАЖАНАЯ РЭДАКЦЫЯ! Хопіць ужо рэйтынг зарабляць на "справе Верамко"! Правядзіце, калі ласка, сваё журналісцкае расследаванне, з прыцягненнем кампетэнтных спецыялістаў, і дайце хаця б неафіцыйную адзнаку падзеі!.. Што трэба было па законе, што вырашылася праз адміністратыўны рэсурс... І ацэнку працы Федэрацыі не прапусціце... Інакш да вясны некаторыя спрачальнікі застануцца без сліны! Шкада хлопцаў, калі ў іх парушанана іерархія жыццёвых прыярытэтаў, і яны, схаваўшыся за логінам, апускаюцца да лаянкі і брыдкаслоўя! ))

+2 / -1

Каментарый да паста: "«Сыман развалил команду и поставил ее на колени». Юрий Лядов объясняет, что не так с мужским биатлоном в Беларуси"

ліцьвін27 снежня 2017, 13:55

Што футбольная фэдэрацыя, што біятлонная, што ... -- вырашаюць не тыя, хто з сошкамі, а за тыя, хто з лыжкамі... Дакуль трэба разваліць спорт, каб у ім пачалі рэй весці не прахадзімцы і рвачы, а прафесіянальныя і маральныя аўтарытэты?... Ці няхай другія зробяць свой асобны спорт, а першыя гуляюць у свой сённяшні? ( )) )

Каментарый да навiны: "Сергей Гуренко: «Вы видели фото с исполкома? У всех глаза опущены и глядят в стол. Никто из них не объяснил, что же происходит в белорусском футболе»"

ліцьвін27 снежня 2017, 12:55

ПРОСЬБА ДА РЭДАКЦЫІ. Напішыце, калі ласка, імёны удзельнікаў "славутага" паседжання, якія прагаласавалі супраць разбору сітуацыіі з "БАТЭ". Трэба ведаць "герояў", якія і самі ў АБФФ "ня гам", і іншым "ня дам". Я так зразумеў, што ў адстаўку па маральна-этычных меркаваннях ніхто з іх не пададзе, і таму новыя пакасці наперадзе ніхто не адмяняе... Дарэчы, а слабО журналістам правесці сваё расследаванне гэтай гісторыі і паставіць у ёй кропку (ці коску)? Каб была хаця б бачнасць, што хтосьці ў футбольным свеце краіны паважае заўзятараў і закон? ( )) )

Каментарый да паста: "«За кого голосовали? За правду». В Беларуси закрыли футбольный сезон, не желая об этом говорить"

ліцьвін19 снежня 2017, 19:18

Грамадская арганізацыя "АБФФ" употай ад грамадскасці (журналістаў на паседжанне не дапусцілі) вырашыла пытанне , але не дала аніякіх фактаў абмеркавання, таму каментаваць "пустышку" немагчыма. Відавочна, што па рэгламенце (у якім "спартовы прынцып", з-за якога БАТЭ вярнулі 3 ачкі, не прапісаны) ДК зрабіў усё правільна. Як рэальна аплочвалі штраф у БАТЭ, мы так і не даведаліся... АБФФ прыняло рашэнне, якое хавае перад міжнароднай футбольнай супольнасцю яе непрафесіяналізм і,-- чаго не бывае?-- магчымую карупцыю, але пакідае сваім грамадзянам глебу для сумневу ў светлай будучыні беларускага футболу. Здаецца, чынавенства упэўненае ў сваей напатапляльнасці і плюе на заўзятараў футболу, на сам футбол!..

+25 / -2

Каментарый да навiны: "В 14.00 началось итоговое заседание исполнительного комитета АБФФ"

ліцьвін19 снежня 2017, 10:56

Добра, што "справа Верамко" не вылучаецца ў асобны пункт павесткі. Значыць, справа добра прапрацаваная і разборка зойме ўсяго некалькі хвілінаў. За мінулы час усе факталагічныя дадзеныя па праблеме сабраныя. Праверыць першае рашэнне ДК па адбору 3 ачкоў у БАТЭ на адпаведнасць дзейснаму закону -- не праблема. Калі адпавядае -- паглядзець, ці даюць рэальныя дзеянні Верамко і клуба "БАТЭ" права прызнаць невыкананне выплаты штрафу ў тэрмін вымушанымі, г.зн. форс-мажорным, без уплыву суб’ектыўных паводзін футбаліста і кіраўніцтва клуба. Напартачылі -- вольныя! Не -- віншуем з чэмпіёнствам, і нікому не крыўдна... Тут і казцы канец!.. А пасляслоўе -- ўнясенне ў "карны дакумент" тлумачэння пра "спартовы прынцып", які ўжо восенню выкарыстоўваўся для апраўдання БАТЭ, але ніяк пакуль у дакуменце не адлюстраваны. Апошняе -- пра нелегітымнасць ДК. Яго трэба перавыбраць. Але ягоныя рашэнні адмяняць ня трэба. Проста новы ДК павінен перагледзець гэтыя рашэнні на адпаведнасць закону і пацвердзіць іх дзейснасць сваім рашэннем.

+5 / -7

Каментарый да навiны: "Сергей Ясинский: «Нельзя, чтобы девяносто процентов средств распределялись между тремя клубами, а десять — между всеми остальными»"

ліцьвін19 снежня 2017, 10:10

Здзіўляюць развагі на ўзроўні эмпірыкі. Шыбанула думка ў галаву начальніка -- вось так і рабіце!.. Няўжо няма магчымасці правесці навуковы аналіз ці хаця б калегіяльнае абмеркаванне спецыялістамі-практыкамі і тэарэтыкамі, а не чыноўнікамі, прынцыпаў, якія датычацца асноваў існавання і развіцця нашага футболу?

Каментарый да паста: "«От детей постоянно требуют результат. Они зашуганы». Что происходит с детско-юношеским футболом в Беларуси"

ліцьвін17 снежня 2017, 21:26

Я так зразумеў, што нічога у грамадскай арганізацыі "АБФФ" тыя, хто там засеў, змяняць не збіраюцца. Вынікі чакаць просяць 3-4 гады, а пасля альбо атрымаецца ўмоўны прагрэс пасля гадоў правалу ("ура кіраўнікам федэрацыі!"), альбо правал працягнецца ("дрэнныя методыкі галандцаў, а трэнеры футбольных школ бяздарныя, бо зарплату выдае /заказвае музыку/ не федэрацыя!")... Лічу, што трэба ўводзіць ратацыю кіраўніцтва федэрацыі на конкурснай умове. Няхай па 25% ад саставу ў год -- за чатыры гады поўнае абнаўленне. Калі нехта добра працаваў -- праз 4 гады можаш ізноў балатавацца на пасаду ў агульным спісе. Цягнуць за сабой, "рэкамендаваць" кагосьці без адкрытага конкурсу трэба забараніць... Чаму б не адкрыць грамадскай арганізацыі "АБФФ"для грамадскасці свой бюджет: прыход і траты грошай, у тым ліку зарплаты функцыянераў, якія фактычна за бардак у футболе не адказваюць?.. Грамадская арганізацыя не можа накіроўваць мятодыку падрыхтоўкі футбалістаў у футбольных школах -- навошта тады яна ўвогуле? для прадстаўнічых функцый за мяжой?.. Можа, футбольным клубам лягчэй арганізаваць і самім весьці футбольную гаспадарку з улікам інтарэсаў усіх бакоў (дзецей і іх бацькоў, футбалістаў, трэнераў, заўзятараў і г.д.)?..

+0 / -1

Каментарый да паста: "Селимов уже 3 года управляет минским «Динамо» и его обычно ругают. Но, может, с экс-борцом не все так плохо?"

ліцьвін16 снежня 2017, 10:45

Да бясконцасці можна прасці чорнае і белае, бруднае і чыстае, не разумеючы, дзе чыё... Хутчэй бы пачаўся новы футбольны сезон!.. Там пабачым, хто чаго варты ды дзе словы, а дзе справы!

Каментарый да паста: "«Мне повезло, что девушка оказалась девственницей». Непростая история тренера Ольги Корбут"

ліцьвін15 снежня 2017, 15:12

Спорт і шмат чаго іншага ў грамадстве трымаецца на АСОБАХ. Яны і павінны быць галоўнымі, а не чыноўніцкія халяўшчыкі і прафаны, не бізнесоўскія тузы-перакупшчыкі і розныя прыліпалы да іх... Тады будзе замест шоў і ўзлёт духу, і характары, і сумленне, і інтрыга спаборніцтва. Ці дасягальнае такое?.. Канешне!.. Але як да таго дайсці, ня ведае, мабыць, нават сам Кныш! )) Доўгіх гадоў яму, Мірановічу, Малафееву і іншым, на якіх трымаецца праўда спорту! А па сутнасці -- і жыцця...

Каментарый да паста: "В минском «Динамо» говорят, что точка в «деле Веремко» не поставлена. Что Юрий Чиж может сделать?"

ліцьвін1 снежня 2017, 16:53

ЗАЎЗЯТАР. У яго нейкае змазанае адчуванне вынікаў чэмпіянату Беларусі ў «вышэйшай футбольнай лізе». Штосьці балтанулася незразумелае, пайшлі хвалі, потым нам далі некалькі варыянтаў тлумачэнняў некаторай часткі фактаў, але дзе засталася ісьціна – пытанне так і завісла. ЧАМУ ПЕРАД ЗАЎЗЯТАРАМ НІХТО НЕ ПАВІНЕН ДАЦЬ СПРАВАЗДАЧУ? У футбольным бардаку ён ня шмат фінансуе сродкаў «астапам бэндэрам», але дзяржаўныя субсідыі футбольнай федэрацыі ўсё адно ідуць ускосна з кішэні гэтага заўзятара. Дык няхай нейкі трацейскі суд дакладзе людзям, што пайшло наперакос, хто вінаваты, якія меры пакарання і выпраўленні на будучыню!.. БАТЭ. Калі футбалісты лічаць сябе сапраўднымі чампіёнамі, то ім нястрашна развеяць плёткі вакол свайго вяршынства. Наадварот: можна пасраміць канкурэнтаў і паймець з таго сродак дадатковага самасцвярджэння. А лаянкі лепш пакінуць людзям іншай культуры!.. МЕНСКАЕ «ДЫНАМА». Каманда добра правяла сязон. Засталося толькі пытанне з верагоднай паддывановай гульнёй. У клуба поўнае права праясніць сітуацыю да канца. Маўчаць – гэта даць повад у будучыні наступаць на тыя ж граблі. Ня важна, чэмпіён ці не чемпіён. Галоўнае, каб чэсна, па сумленні. Чаму гэта хвалюе толькі «дынамаўцаў»?.... ФЕДЭРАЦЫЯ. Атрымоўваецца, што ўсё «спусціць на тармазах» – для яе лепшы вынік? Абы было ціха?.. А якія чэрці водзяцца ў балоце – ня справа грамадскасці?.. Столькі прэтэнзій да метадаў і арганізацыі працы гэтай федэрацыі – і як з гуся вада! Ўражанне, что ўтварыўся нейкі «ордэн тампліераў», які нікому не падуладны і лічыць сябе пупом зямлі на абшарах футбольнай гаспадаркі краіны... Я памыляюся? – Дык няхай тады з дапамогай незалежных экспертаў фэдэрацыя высветліць для грамадскаці, што здарылася напрыканцы сязону ў вышэйшай лізе ня так, і наогул «як жыць далей?»

+1 / -2