Медалістка ў біг-эйры вывучае квантавую фізіку і зарабляе фантастычныя грошы, але Сабаленка ўсё ж больш
Срэбная прызёрка ў біг-эйры, сапраўдная прыгажуня.
Айлін Гу – адна з самых высокааплатных спартсменак свету. 22-гадовая нараджэнка ЗША ёсць этнічнай кітаянкай і выступае пад кітайскім сцягам.
Па звестках Forbes, у 2025-м фрыстайлістка стала багацейшай на 23,1 мільёна долараў, але з іх непасрэдна на спорце зарабіла толькі 100 тысяч. Асноўны жа даход прыносіць супраца з брэндамі. Дзякуючы вынікам і эфектнай знешнасці дзяўчына запатрабаваная як на заходнім рэкламным рынку, так і на азіяцкім. Гу з’яўляецца кліенткай менеджарскага агенцтва IMG, супрацу з якім, заявіўшы пра незадаволенасць, год таму спыніла Арына Сабаленка. Беларуска перайшла да агенцтва Evolve, што было заснаванае іншай топ-тэнісісткай Наомі Осакай.
Па выніках 2025-га Сабаленка зарабіла каля 30 мільёнаў долараў і абышла Гу ў рэйтынгу самых высокааплатных спартсменак свету (2-е месца супраць 4-га). Але тая някепска праявіла сябе на Алімпіядзе і таму можа разлічваць на далейшую увагу рэкламадаўцаў.
16 лютага кітаянка заваявала срэбра Алімпіяды ў біг-эйры – гэта яе пяты алімпійскі медаль.
Нарадзілася Айлін у Сан-Францыска. Аднак у 2019 годзе змяніла грамадзянства на кітайскае. Дзяўчына вывучае квантавую фізіку ў Стэндфардзе. А яшчэ мае больш за 2 мільёны падпісчыкаў у інстаграме.
Спартсменка дэбютавала на Гульнях у 2022 годзе за КНР. Тады сенсацыйна здабыла дзве залатыя і адну срэбную ўзнагароду. Яна стала самай маладой чэмпіёнкай Алімпіяды па фрыстайле. Таксама аказалася першай прадстаўніцай фрыстайла, якая здабыла тры медалі на адных Алімпійскіх гульнях.
Яна была фаварыткай Алімпіяды-2026 ва ўсіх дысцыплінах, у якіх збіралася браць удзел, і сцяганошай Кітая на цырымоніі адкрыцця.
Акрамя таго, што Гу з’яўляецца адной з самых топавых спартсменак свету, яна яшчэ і сапраўдная прыгажуня:
Расклад Алімпійскіх гульняў-2026
Фота: eileengu/instagram
Іншыя пасты карыстальніка
