Арына Сабаленка: «Ва ўсіх трох паражэннях на ТВШ я сумнявалася ў сабе. На US Open мне варта паверыць у сябе»
Беларуска Арына Сабаленка падзялілася меркаваннем пра паражэнні на Турнірах Вялікага шлема ў сезоне-2025.
У фінале Australian Open першая ракетка свету саступіла Мэдысан Кіз, у фінале «Ралан Гарос» – Кока Гаўф, у паўфінале «Уімблдона» – Амандзе Анісімавай.
– Кожнае паражэнне па-свойму ўнікальна. Але ці бачыце вы ў іх агульныя рысы? Ці ёсць нешта, што можна палепшыць?
– Можа, у вас ёсць ідэі? Як вы заўважылі, я тройчы прайграла. Падобна, я нічому не вучуся. Дапаможаце?
– Вы вучыцеся. Сёння трымаліся спакайней, чым на «Ралан Гарос». Былі блізкія да фіналу.
– Не ведаю. Думаю, у такіх матчах я павінна стала нагадваць сабе пра сваю сілу і браць ініцыятыву ў свае рукі. Давяраць сваім ударам і рашэнням.
Здаецца, ва ўсіх трох складаных паразах на «Шлемах» я сумнявалася ў сабе. Кожны раз пераконваю сябе: «На корце ты можаш усё».
Калі веру ў сябе, паказваю найлепшы тэніс. Так што, магчыма, на US Open мне варта паверыць у сябе і дзейнічаць рашуча, – сказала Сабаленка.
