Арына Сабаленка: «Мне не падабаюцца лёгкія перамогі. Мне трэба пакутаваць»
Першая ракетка свету Арына Сабаленка падзялілася меркаваннем аб тым, чаму не можа выйграць «Ралан Гарос» і «Уімблдон».
– Якія цяжкасці ствараюць для вас грунт і трава, з-за якіх вы пакуль не змаглі паўтарыць на гэтых пакрыццях той поспех, якога дабіліся на хардзе?
– Складана вылучыць нешта адно. Не, не ведаю. Насамрэч я выдатна пачуваюся і на грунце, і на траве. Магчыма, я занадта шмат думаю аб тым, што яшчэ не выйгравала «Шлем» на гэтых пакрыццях.
Можа быць, менавіта гэта прымушае мяне занадта шмат аналізаваць, робіць мяне празмерна эмацыйнай у пэўныя моманты.
Не ведаю. Гэта якраз тое, над чым мне трэба папрацаваць: зрабіць крок назад і паспрабаваць знайсці рашэнне, таму што я ўжо стамілася прайграваць толькі з-за таго, што станаўлюся занадта эмацыйнай.
– З боку гэты матч быў у нечым падобны на леташні фінал.
– О, так.
– Наколькі цяжэй перажываць такую паразу, улічваючы сетку турніру і ваша становішча?
– Мне не падабаюцца лёгкія перамогі. Мне трэба пакутаваць, пераадольваць цяжкасці і дабівацца выніку.
Але як можна так казаць? Марта [Касцюк] знаходзіцца ў выдатнай форме. Міра [Андрэева] паказвае цудоўны тэніс. Я зараз няправільна скажу прозвішча польскай тэнісісткі. Прабачце. Майя [Хвалінска]. Яна таксама гуляе вельмі добра, – сказала Сабаленка.
