Свёнтак – самая маладая тэнісістка з 2002 года, якая заваявала тытулы на трох розных турнірах Grand Slam
Польская тэнісістка Іга Свёнтак (№4 WTA) у фінале «Уімблдона» абыграла амерыканку Аманду Анісімаву (№12 WTA) з лікам 6:0, 6:0.
Для 24-гадовай польскай тэнісісткі гэтая перамога стала 100-й у кар'еры на турнірах Grand Slam у адзіночным разрадзе. Каб дасягнуць гэтай адзнакі, Свёнтак правяла 120 матчаў на мэйджарах.
Іга стала першай тэнісісткай з 2004 года, якая дасягнула адзнакі ў 100 перамог на мэйджарах за такую колькасць згуляных матчаў.
У 2004 годзе амерыканка Серэна Уільямс атрымала 100 перамог на турнірах Grand Slam, згуляўшы 116 матчаў.
Усяго за кар'еру Уільямс атрымала 23 тытулы Grand Slam. На яе рахунку 367 перамог і 56 параз у матчах на мэйджорах за кар“еру.
Таксама Іга стала самай маладой тэнісісткай з 2002 года, якая перамагала на 3 розных турнірах Grand Slam.
У 2002 годзе Серэна Уільямс дасягнула такога выніку ва ўзросце 20 гадоў, маючы ў сваім актыве тытулы US Open, «Уімблдона» і «Ралан Гарос».
Для Свёнтэк перамога ў фінале «Уімблдона-2025» стала шостай у кар'еры на турнірах Grand Slam. Да гэтага яна 4 разы выйгравала «Ралан Гарос», а таксама станавілася пераможцай US Open у 2022 годзе.
