Новак Джокавіч: «Мне будзе цяжка абыграць Сінэра і Алькараса ў пяцісэтавым фармаце»
Сербскі тэнісіст Новак Джокавіч (№7 ATP) падзяліўся думкамі пра матч супраць Яніка Сінэра (№1 ATP) і Карласа Алькараса (№2 ATP).
У паўфінале US Open ён прайграў Алькарасу – 4:6, (4) 6:7, 2:6.
– Новак, тое, што ты паказаў на турнірах Grand Slam сёлета, магло выклікаць зайздрасць у амаль кожнага гульца тура, акрамя двух. Што ты думаеш пра сваі дасягненні і ці будзе гэтага дастаткова для цябе ў будучыні?
– На трох з чатырох турніраў Grand Slam сёлета я прайграў у паўфінале аднаму з гэтых хлопцаў. Яны занадта моцныя, гуляюць на вельмі высокім узроўні.
Нажаль, пасля другога сэта я фізічна выдахся. У мяне хапіла сіл змагацца з ім два сэты. Пасля гэтага я стаміўся, а ён працягваў у тым жа тэмпе. Гэтак жа было з Янікам на «Ралан Гарос» і «Уімблдоне». У фармаце пяці сэтаў мне з імі цяжка – асабліва на фінальных стадыях турніраў Grand Slam.
Я задаволены ўзроўнем сваёй гульні, таму гэта больш пытанне фізічнай падрыхтоўкі. Я раблю ўсё магчымае, каб падтрымліваць гэты ўзровень як мага даўжэй, але гэтага нядосыць. На жаль, я ўжо не магу кантраляваць гэта поўнасцю.
Мне будзе цяжка абыграць Сінэра і Алькараса ў пяці сетах. У трох сэтах у мяне больш шанцаў. Пры гэтым я не стаўлю крыж на турнірах Grand Slam. Я буду змагацца, каб прайсці ў фінал і прынамсі прэтэндаваць на трафей. Але задача вельмі складаная», – сказаў Джокавіч.
