Пяціразовы чэмпіён парнага Grand Slam Маю завяршыў кар'еру – ён з'яўляецца аўтарам самага доўгага матчу ў гісторыі тэніса
Французскі тэнісіст Нікаля Маю аб’явіў пра завяршэнне кар’еры пасля паражэння ў парным разрадзе на турніры ATP 1000 у Парыжы.
43-гадовы Май атрымаў пяць парных тытулаў Grand Slam за кар’еру, якая доўжылася 25 гадоў.
Яму належыць рэкорд за самы доўгі матч у гісторыі прафесійнага тэніса – супраць амерыканца Джона Ізнэра на «Уімблдоне» 2010 года. Паядынак доўжыўся 11 гадзін і 5 хвілін і расцягнуўся на тры дні, прычым адзін толькі апошні сэт – 8 гадзін 11 хвілін – быў дастаткова доўгім, каб пабіць папярэдні рэкорд працягласці ўсяго матчу.
На ATP 1000 у Парыжы Маю гуляў у пары з Рыгорам Дзімітравым. Яны прайгралі дуэту Гюго Ніса і Эдуару Ражэ-Васелена – 4-6, 7-5, 4-10.
«Магчымасць выйграць тытулы Grand Slam – адны з найлепшых маіх успамінаў. Гэта тое, што я буду памятаць. Па-за трафеямі, якія я атрымаў, гэта таксама ўсё, што адбывалася на шляху да гэтых перамог.
Усе сумневы, усе пытанні, усе памылкі, якія я дапушчаў – менавіта гэта робіць кар’еру багатай, і мая ў гэтым сэнсе сапраўды вельмі багатая.
Цяпер я з задавальненнем успамінаю той рэкордны паядынак, бо гэта быў шалёны вопыт. Ён шмат чаго даў мне як гульцу і як чалавеку», – сказаў Маю.
