Сербскі тэнісіст Новак Джокавіч (№4 ATP) распавёў, што сумняваецца, ці зможа ён выйграць яшчэ адзін турнір Grand Slam у Карласа Алькараса (№1 ATP) і Яніка Сінера (№2 ATP).

«Я ўсведамляю, што цяпер абодва лепшыя за мяне. Гэта рэальнасць. На працягу большай часткі маёй кар’еры я верыў у рэчы, якія здаваліся немагчымымі для дасягнення, але я заўсёды заставаўся вельмі пазітыўным у дасягненні сваіх мэт. Я вельмі веру ў сілу думкі, але ў той жа час веру і ў біялогію. Мне 38 гадоў, знос – гэта рэальнасць. І сёлета я атрымаў некалькі праверак рэальнасцю.

Сінер і Алькарас прымусілі мяне сумнявацца, ці змагу я выйграць яшчэ адзін турнір Grand Slam, але калі я выходжу на корт, мне ўсё роўна, з кім я гуляю, галоўнае, што я лепшы і збіраюся перамагчы, і я аддам усё, каб гэтага дасягнуць. У мяне ўсё яшчэ ёсць мысленне пераможцы, і я толькі спадзяюся працягваць падтрымліваць сваё цела ў форме», – сказаў Джокавіч.

Нагадаем, што Новак выйграў 24 тытулы Grand Slam у адзіночным разрадзе.

Чытайце таксама

Аўтар: cымон pушынскі

Крыніца: Punto de Break