Беларуска прабегла паўмарафон у вобразе арыстакраткі з XVlll стагоддзя. А летась была ў касцюме вусеня
Зорка на трасе, здольная адужаць і 85 км.
13 траўня беларуска Таццяна Кулевіч, жонка галоўнага рэдактара Most.media Руслана Кулевіча, паўдзельнічала ў паўмарафоне ў Беластоку. Разам з сяброўкай-украінкай Валянцінай падышла да справы досыць крэатыўна. Спартсменкі апрануліся ў шляхетныя строі эпохі Ракако, падпісаўшы відэа ў інстаграме: «W stylu wersalskiego dramatu» («У стылі версальскай драмы»). Таццяна з Валянцінай не толькі убраліся, але і прыхапілі аксэсуары – жаночыя сумачкі і вееры. Мэтай у гэтым выпадку, вядома, было шоў, а не вынік.
Гэты не першы забег з творчым падыходам. Год таму дзяўчыны стартавалі ў касцюме вусеня, пры гэтым фізічна паяднаўшыся. Фатаздымак з таго спаборніцтва выкарыстоўваецца ў акаўнце беластоцкага паўмарафона.
Спортам Таццяна займаецца рэгулярна – і не толькі дзеля жарту. Напрыклад, у лютым дэбютавала на дыстанцыі Ultra Bładzina ў забегу ў Кнышынскай пушчы, дзе надзвычай складаная траса складае амаль 160 км. Таццяна хоць і не фінішавала, але адолела 85 км.
Іншыя пасты карыстальніка
