Дэбютанты ЧБ спрабуюць прасоўваюцца ў сацсетках: «гнаць гусёў» не атрымалася, а Саладуха парушыў абяцанку
Спачатку «прасмажваюць» супернікаў, а пасля разгромна саступаюць.
«Баранавічы» толькі ў 3 туры ЧБ згулялі на дамашнім полі. Прыймалі дэбютанты «вышкі» віцебскі «МЛ».
За некалькі гадзін да матча ў сацсетках клуба з’явілася жартаўлівая відэа-падводка, дзе аўтары іранізавалі і над букмекерскай кампаніяй, і над самой камандай супернікаў, якая той належыць.
На пачатку гаворка ідзе пра назойлівую рэкламу, якая нядаўна ў вялікай колькасці стала з’яўляцца ў грамадскіх туалетах. Таксама прэс-служба «Баранавічаў» прыгадала няўдалы (у кантэксце футбольнага матча) слоган аднога з ролікаў «Макслайна» – «гані гусёў». А вось сама «пагоня» адбываецца ў эпізодзе мультфільма «Ну, погоди!», праўда на камбайне едзе не воўк, а баран пад парасонам у чырвона-сініх колерах «Баранавічаў», а замест курак уцякаюць гусі.
У мінулым туры ўжо адбылася спроба падобнага жарта над барысаўскім БАТЭ, але «баранкі» разгромна саступілі 0:3.
Сокал аформіў «сухар», але да гарбаты атрымаў іншы прысмак
З «МЛ» вынікаў таксама не паказалі, а прапусцілі на мяч больш. Ну, хоць шуміху інфапрасторы наводзяць. Дарэчы, адказ «гусёў» не прымусіў сябе доўга чакаць.
Пры гэтым, дэбютанты не забілі ніводнага раза за ўсе тры стартавыя матчы ЧБ і знаходзяцца на апошнім радку. І нават самы «зоркавы» і «адданы» фанат на першы дамашні матч «Баранавічаў» не прыехаў, хаця абяцаў.
Дык што, Аляксандр Саладуха, пабачыўшы такія вынікі, вырашыў зноў змяніць клуб за які заўзее?
Іншыя пасты карыстальніка
