Тысячы баснійцаў напоўнілі ўначы вуліцы сваёй сталіцы пасля выхаду зборнай на ЧС
Працягвалі паўтараць імя 40-гадовай легенды.
Зборная Босні і Герцагавіны ў вырашальным матчы плэй-оф кваліфікацыі ЧС-2026 была мацней за Італію (1:1, 4:1 па пенальці).
Для краіны гэта толькі другі выхад на мундыяль у яе незалежнай гісторыі. Мінулы быў у 2014 годзе, тады каманда не змагла выйсці з групы з Аргенцінай, Нігерыяй і Іранам.
Пасля матча па інтэрнэце разляцеліся здымкі і відэа начной сталіцы Босніі – Сараева. Там тысячы, а можа і дзясяткі тысяч заўзятараў святкавалі гэтую гістарычную падзею, маштабы сапраўды ўражваюць.
Пазней да лікуючага натоўпу далучыліся і самі футбалісты. Сярод іх быў ужо легендарны 40-гадовы Эдзін Джэка. Фанаты не маглі спыніцца скандаваць яго прозвішча.
Ужо вядомыя ўсе ўдзельнікі ЧС – Боснія згуляе ў групе з Канадай, Катарам і Швейцарыяй.
Іншыя пасты карыстальніка
