«Тотэнхэм» падпісаў таго, хто ў мінулым сезоне клаў гульцоў «шпор» на газон – вось як абыгралі тыя канфлікты
Пажартаваў і навічок, і новыя партнёры.
«Тотэнхэм» аформіў новы трансфер – падпісаў універсальнага вінгера/нападніка «Вест Хэма» Махамеда Кудуса за больш як 60 мільёнаў еўра.
Зрэшты, акрамя афармлення самога пераходу клубу трэба было ўрэгуляваць стары канфлікт паміж ганцам і адным з гульцоў каманды.
📌 Інцыдэнт здарыўся ў лістападзе мінулага года.
Спачатку Кудус сфаліў супраць Мікі ван дэ Вена, заадно наўмысна патаптаўшыся па ім.
А потым пачаў штурхаць усіх налева і направа – ван дэ Вену дасталася і ў другі раз, наўпрост у твар.
Разам з ім на газон пасля сутычкі з ганцам прылёг і Рышарлісан.
Кудус аўтаматычна атрымаў тры матчы дыскваліфікацыі за прамую чырвоную, а затым Футбольная асацыяцыя Англіі дакінула яшчэ два за агрэсіўныя паводзіны.
📌 Таму пасля трансферу ў «Тотэнхэм» заўзятары чакалі, як клуб і каманда залагодзяць гэтае пытанне. Атрымалася эфектна – медыяслужба разам з футбалістамі перавялі гэта ў жарт і пакуражыліся.
Спачатку Кудус на пытанне, з кім з новых партнёраў найперш хоча пазнаёміцца, назваў ван дэ Вена і іранічна засмяяўся.
Затым Махамед і Мікі паўтарылі нейкі з трэндаў сацсетак, дзе трэба паціснуць рукі.
Іншыя партнёры не адставалі. Джэймс Мэдысан уключыў камеру на сняданку, здымаючы абодвух гульцоў і пытаючыся ў ван дэ Вена, ці ўсё яму окей.
А Рышарлісан, які ў тым матчы таксама выхапіў ад Кудуса, павіншаваў яго з трансферам у Instagram, выклаўшы фота сутычкі.
📌 Рышарлісан, дарэчы, меў падобны досвед. Выступаючы за «Эвертан», ён рэгулярна на полі счапляўся з Крысціянам Рамера.
Таму за іх сустрэчай у камандзе ў свой час таксама назіралі па-асабліваму.
Фота: Marc Atkins/Getty Images
Іншыя пасты карыстальніка
