40-гадовая легенда «Рэала» забіў дэбютны за новы клуб – пераабдымаў усю каманду, у тым ліку запасных

Лука Модрыч забіў свой першы мяч у чацьвёртай гульні за «Мілан» пасля пераходу з «Рэала» ўлетку ў якасці свабоднага агента.

Яшчэ ў папярэднім туры харват выдаў выніковую перадачу, але і гол не прымусіў сябе чакаць.

На 61-й хвіліне матча супраць «Балоні» пасля нечаканага прастрэлу Алексіса Салемакерса уздоўж лініі штрафной Модрыч эффектна ўварваўся паміж абаронцаў і паклаў мяч у левы ніжні кут, адкрыўшы (ды і закрыўшы) лік у сустрэчы – «Мілан» мінімальна перамог.

Модрыч быў неверагодна рады і эмацыйна, амаль як падлетак, пабег абдымацца спачатку да бліжэйшых калегаў, а пасля і да запасных. А яшчэ бадзёра паказваў кулак у бок трыбунаў.

Ужо легендарны футбаліст, працягваючы нават у 40 гуляць на топ-узроўні, паказвае, што ўзрост – гэта толькі лічбы. Свой юбілей, дарэчы, Лука адсвяткаваў зусім нядаўна, 9 верасня.