Мінскае «Дынама» збірае прарэжымных заўзятараў на дэрбі на аўтобусах з «праваахоўнікамі» на суседніх крэслах. Цікава, ці гэта дапаможа?

Да канца ЧБ засталося два туры, і паміж галоўнымі прэтэндэнтамі на золата розніца складае 5 пунктаў. Сталічнаму «Дынама» неабходна здабываць перамогі ў абодвух гульнях і спадзявацца, каб «МЛ» зугубіў балы дома з «Гомлем», а ў апошнім туры верыць, што ў вочнай сустрэчы яны самі перамогуць «букмекераў».

Але перад гэтым мінчан чакае выязное дэрбі з брэсцкім «Дынама».

Сталічны клуб за ўласныя грошы вырашыў сабраць удзельнікаў падкантрольнага рэжыму руху і адвезці іх на гульню. Прапаноўваецца не толькі бясплатнае месца ў аўтобусе побач з «праваахоўнікамі» – але і вольны ўваход на 1 і 2 сектары «Брэсцкага», якія лічацца гасцявымі. Пра тое, што ў паездцы будзе «міліцыя», якая будзе суправаджаць гледачоў нібыта дзеля бяспекі, пішуць адкрыта.

Іншая справа – заўзятарскія акцыі беларусаў у Варшаве. У нядзелю, 16 лістапада, яны запалілі на матчы Украіны з Ісландыяй (2:0), які вырашыў, хто з двух зборных выйдзе ў плэй-оф адбору ЧС.

Што сёння адбываецца з беларускім фан-рухам: за мяжой Базанаву збіраліся натаўчы ў косці, унутры краіны – татальны кантроль

Сапраўдныя фанаты з рухаў сталічнага і брэсцкага «Дынама», «Мінска» і «Маладзечна» прыйшлі падтрымаць «жоўта-блакітных» на трыбуны з банерамі супраць рэжымаў Пуціна і Лукашэнкі, выявамі Мікіты Крыўцова (заўзятара «Маладзечна», забітага праз рэжым), «Волата», «Маджахеда», «Борта» (ваяроў, якія памерлі за свабоду Украіны).

Вядома, лозунгі «Жыве Беларусь!» і «Слава Украіне!» тут таксама прысутнічалі.

ВІДЭА