Румбуціс справіў пачэсны юбілей – на 70-годдзе запрасіў і самых «скандальных» трэнераў. Здагадаліся, каго?

24 лістапада Людас Румбуціс адзначаў свой юбілей. Вядомаму экс-гульцу «Дынама» споўнілася 70 гадоў.

На свята сабралася шмат вядомых асобаў, у тым ліку трэнеры і гульцы, былыя калегі Румбуціса па чэмпіёнскім складзе 1982 года і іншыя прадстаўнікі футбольнай супольнасці

Сэлфі з пацешным подпісам падзяліўся былы журналіст «Прэсбола» Сяргей Шчурко. На фота ён знаходзіцца паміж двух спецыялістаў – Георгія Кандрацьева і Ігара Кавалевіча. Менавіта коўч «Нёмана» прапанаваў апісанне здымку – назваць сябе і калегу «самымі скандальнымі трэнерамі». Прынамсі, так гісторыю расказвае Шчурко:

«Спытаў у абодвух, як лепш падпісаць – «Напішы, я і самыя скандальныя трэнеры краіны» – сказаў Ігар. Так і ёсць, я і яны, Кавалевіч і Кандрацьеў. Тыя, хто заўсёды гавораць тое, што думаюць. P. S. Юбілей самага беларускага літоўца Людаса. Хіты ад юбіляра, стэндапы ад гульцоў Дынама-82 і шмат іншых прыемных людзей».