Няўжо Нікіфарэнка прымірыўся са Скрыпчанкам? Два гады таму яны ледзь не пабіліся на полі

Увечары 4 студзеня на інстаграм-старонцы жонкі экс-гульца «МЛ» Алега Нікіфарэнкі з’явілася нечаканае фота. На ім футбаліст стаіць разам з былым трэнерам Вадзімам Скрыпчанкам, з якім у мінулым былі вельмі канфліктныя адносіны.

Пачалося ўсё ў «Дынама» ў 2023. Скрыпчанка лічыў, што паўабаронца не вытрымлівае канкурэнцыі, і даваў мала гульнявога часу. Нікіфарэнка з гэтым не пагаджаўся і пратэставаў на трэніроўках, за што быў адпраўлены ў дубль.

На пачатку 2024-га гулец перайшоў у БАТЭ свабодным агентам. А ўжо 10 сакавіка зачапіўся з экс-коўчам падчас матча ў адказ 1/4 фінала кубка Беларусі. Гулец адкрыў лік і пабег правакатыўна святкаваць да лаўкі запасных «Дынама». Скрыпчанка на гэта эмацыйна адрэагаваў і ледзь не пабіўся з Нікіфарэнкам – супернікаў паспеў разняць бакавы суддзя.

Нармальны, старанны, з завышанай самаацэнкай. Што Нікіфарэнка крычаў Скрыпчанку падчас класіка

ВІДЭА

У пасляматчавай серыі пенальці паўабаронца яшчэ і адзначыўся адзіным нерэалізаваным, што дала магчымасць Скрыпчанку выйсці пераможцам (па суме дзвюх сустрэч было 3:3, па пенальці 5:4 перамагло «Дынама»).

Сам па сабе Нікіфарэнка вельмі эмацыйны, але вось са Скрыпчанкам прымірыўся. Няўжо сапраўды пасталеў, як напісала яго жонка?

Свой «характар» гулец яшчэ не раз паказваў і пасля канфлікту з трэнерам, калі ў мінулым сезоне выступаў за «МЛ».

Чарговы эпізод адбыўся 3 кастрычніка, і зноў падчас матча з экс-клубам – БАТЭ (0:1). Выконваючы абавязкі коўча «букмекераў» Віктар Пятрашка замяніў Нікіфарэнку і пацягнуў паціснуць руку, сказаўшы «Усё нармальна». У адказ футбаліст з яўным раздражненнем кінуў тую ж рэпліку, пасля чаго пнуў нагой па рэквізіту.

ВІДЭА

Яшчэ адзін эпізод быў зафіксаваны 7 лістапада, падчас матча супраць «Маладзечна». Пасля няўдалай атакі «МЛ» дасталося шчытку з банерам АБФФ, па якім Нікіфарэнка ударыў бутсай і пакінуў дзірку. Гулецу ж адразу дасталася жоўтая картка, а потым і штраф у памеры 840 рублёў.

ВІДЭА