«Мы не ваш жарт» – у Казахстане арыштавалі на суткі бельгійскіх фанатаў у жоўтых купальніках
Ці ўсё яшчэ застаецца нацыянальная крыўда на «ганебны» фільм?
Пасля матчу Лігі чэмпіёнаў, у якім «Кайрат» разгромна саступіў «Бругэ» (1:4), затрымалі траіх бельгійскіх заўзятараў. Пазней стала вядома, што ім далі па 5 сутак арышту «за дробнае хуліганства і знаходжанне ў грамадскім месцы ў стане алкагольнага ап’янення.
Але фанаты «Бругэ» ў сацсетках запомніліся іншым. Яны прыйшлі пазаўзець у жоўтых купальніках, якія былі яўнай спасылкай на «Борат» – фільм брытанскага коміка і актора Сашы Барона Коэна.
Стужка выйшла ў 2006 годзе. Яе адразу успрынялі як абразу і напад на нацыянальную годнасць. Фільм паказаў прымітыўную, мізагіністычную і антысеміцкую нацыю. Гэты вобраз супярэчыў намаганням Казахстана пазбавіцца ад савецкага мінулага – паказаць сябе з прагрэсіўнага і сучаснага боку.
У 2020-м прайшла яшчэ адна хваля пратэстаў пасля выхаду другой часткі фільма. Тады ўжо «культура адмены» была досыць развітай, а ў інтэрнэце з’явіўся тэг «WeAreNotYourJoke», што перакладаецца як «мы не ваш жарт».
Аднак усё не так аднабока. Казахстан стаў вядомай на сусветнай мапе краінай, што паспрыяла значнаму павялічэнню колькасці турыстаў. А ў 2020-м (падчас COVID-19) замест асуджэння Нацыянальная турыстычная рада выпусціла рэкламную кампанію з найбольш вядомам слоганам «Kazakhstan. Very Nice!» (Казахстан! Вельмі прыгожа!) і фатаздымкамі прыроды. Ведаеце назву – паглядзіце на рэчаіснасць.
Больш маладыя пакаленні цалкам разумеюць гіпербалізаванасць чорнай сатыры. А таксама ўспрымаюць карціну як высмейванне «заходніх» стэрэатыпаў пра зборны вобраз усходняй Еўропы, Балкан і краін былога СССР.
Але рэшткі былой крыўды могуць яшчэ заставацца, калі паліцыя ў Астане арыштоўвае менавіта заўзятараў у жоўтых купальніках Бората.
Іншыя пасты карыстальніка
