Клуб НХЛ помсліва выразаў з фота алімпійскай зборнай хакеіста за тое, што ён не захацеў «уз’яднацца» з братам

9 лютага быў апублікаваны фатасэт алімпійскай зборнай ЗША. На адным са здымкаў дзве пары братоў, што выступаюць у складзе – Брэдзі і Мэцью Ткачакі, а тасама Джек і Куін Х’юзы.

Калі першыя гуляюць за адзін клуб – «Атава Сенатарз», то другія – за розныя. Пры чым «Нью-Джэрсі», за які выступае Джэк, ужо доўгі час хоча «уз’яднаць» сям’ю і падпісаць Куіна.

Той жа пачаў ужо 3 сезон у ролі капітана «Ванкувера», а 12 снежня быў абменены адразу на 3 хакеістаў у «Мінесоту», якая ідзе другой у Заходняй канферэнцыі.

За гэта ўжо ў сваёй публікацыі ў інстаграме «Нью-Джэрсі» проста выкрэсліў «непакорлівага» брата з таго ж самага здымку. І зроблена гэта было не найлепшым спосабам – на фота выразна прыкметна несупадзенне контура пляча Джэка і Куіна, а таксама лішняя нага. Можа, штучны інтэлект справіўся лепей з такой задачай?

Дарэчы, братоў у «Нью-Джэрсі» магло быць тры. За клуб гуляе яшчэ адзін Х’юз – Люк. Гэта наймаладзейшы, ён далучыўся да клуба 2023-м, а ў зборную пакуль не выклікаўся.

ЗША ўпэўнена стартавалі на Гульнях з двух разгромаў над Фінляндыяй і Швейцарыяй – па 5:0. Трэці матч згуляюць 10 лютага з Канадай.