Алькарас упершыню выйграў Australian Open, адолеўшы Джокавіча ў фінале
У нядзелю, 1 лютага, у Мельбурне адбыўся фінал мужчынскага Australian Open-2026.
У матчы за тытул згулялі першая ракетка свету з Іспаніі Карлас Алькарас і чацвёртая ракетка свету Новак Джокавіч з Сербіі.
Карлас выйграў у чатырох сэтах.
22-гадовы Алькарас упершыню ў кар’еры згуляў у фінале аўстралійскага мэйджара. У цэлым для яго гэта 8-ы фінал турніраў Grand Slam у кар’еры, у яго 7 тытулаў.
Карлас стаў самым маладым у гісторыі ўладальнікам кар’ернага Grand Slam.
Новак выйшаў у свой першы фінал мэйджара з «Уімблдона-2024» – яго ён таксама прайграў Карласу Алькарасу.
Для 38-гадовага Джокавіча гэта быў 38-ы фінал на турнірах Grand Slam – найлепшы паказчык сярод усіх гульцоў Адкрытай эры, у яго 24 тытулы.
Нагадаем, што ў паўфінале Джокавіч у пяці сэтах адолеў Яніка Сінэра, Алькарас – Аляксандра Зверава.
Australian Open
Grand Slam
Мельбурн, Аўстралія
18 студзеня – 1 лютага
Хард
Прызавы фонд: 75 млн долараў
Адзіночны разрад
Фінал
Карлас Алькарас (Іспанія) – Новак Джокавіч (Сербія) – 2:6, 6:2, 6:3, 7:5
